二零二三年十二月三十一日(星期日)
今天時間比較鬆動，可以睡晚一點才起床。
第一次在酒店吃早餐，揀咗泳池邊的POOLSIDE CAFE & BAR。
對於逸逸嚟講，可以一邊望住水上樂園的小水筒一邊食早餐，實在太興奮了。
我食咗個BANANA COLADA PORRIDGE，就係我去食自助早餐最鍾意的凍燕麥，正﹗
食完早餐帶逸逸去LOBBY旁邊的小小兒童樂園玩一陣。
逸逸爬上爬落玩得不亦樂乎之際，我都去咗酒店的舖頭逛下街，見到好多好靚的沙灘裝，不過好貴，我平日又無乜機會著……
我地換好衫就出發，今日的目的地是黃金海岸最著名的滑浪者天堂，只要過兩條馬路，走到海邊，其實已經是滑浪者天堂了，不過我們當然是要走去熱鬧一點的地方。
可愛的小樹熊，今日真係熱到爆炸~
來到VIEW AVENUE對出位置似乎開始比較熱鬧，我們就在這兒玩吧﹗
黃金海岸最著名的就是綿延70公里長的海灘
簡直係長到睇唔到盡頭的海岸線
仲有超級大浪，如果都唔會成為滑浪者天堂喇~
雖然已經係我第三次嚟黃金海岸，不過之前兩次都係冬天來，今次都係第一次可以落水玩。
因為太大浪，起初點都要拖到實，見佢慢慢handle到就放手俾佢自己面對大浪的挑戰。
根本就唔係滑浪者天堂，而係被浪打天堂，哈哈~
看看被浪打倒的逸逸，笑得幾開心~
小時候媽媽教我玩跳浪，長大後就教女兒玩跳浪~
淨係同啲浪玩已經開心到癲咗~
睇到佢笑得咁開心真係好治癒~
雖然天氣好熱，但係浸係海水入面好涼快~
我都試下放鬆個人被啲浪拋來拋去，結果拋到成個人好似散咗咁，背脊同腰骨仲隱隱痛咗幾日添~
係滑浪者天堂真係見到有好多人滑浪，我地又見到有幾個小朋友喺無滑浪板的情況下模擬滑浪，逸逸又學佢地玩。
有時方向啱又時就衝到轉晒圈唔知去咗邊
大家可以睇下小朋友係點樣在無滑浪板之下模擬滑水，睇落都似模似樣。
有無發現落咗沙灘之後完全無見過恆仔的身影？因為他仲係唔舒服無落水，坐係沙灘上面等我地，依個就係恆仔的視覺。佢話乾煎曬到成個人無晒水變人乾，附近的人已經換完一批又一批我地都未上水，哈哈~
我要幫恆仔澄清，佢唔係影緊比堅尼美女，只係影緊佢個女咋~