我們搭輕軌在凱旋站轉搭地鐵紅線來到機場附近的草衙站。
一出站就是SKM PARK OUTLETS
因為我iPhone個鏡頭貼爆咗，見到有[ i ] STORE即管入去碰碰運氣，又失望而回，逸逸就開心咁玩咗一陣電話遊戲(明明自己部電話都有遊戲玩)。
可愛的三眼兔
週末有《奇幻音樂馬戲秀》活動，今天是平日什麼也沒有。
終於來到鈴鹿賽道樂園的入口，不過所謂入口也只是我自己為它定的界線，因為鈴鹿賽道樂園免費入園的，而遊樂設施逐項收費，絕對可以隨時任意穿梭SKM PARK OUTLETS以及鈴鹿賽道樂園。
園區包括「迷你鈴鹿賽道」和「賽道樂園」兩大主題，「迷你鈴鹿賽道」是獨立購票，「賽道樂園」的遊樂設施也是逐項收費，不過也有1-DAY PASS以及較晚才進場的星光票，可以無限暢玩(「小小騎士」除外)，我們在KLOOK買一日券就更加便宜了。
換好票帶好手環，就可以由朝玩到晚，所有遊戲都路路暢通。
高雄鈴鹿賽道樂園是日本鈴鹿賽車場SUZUKA CIRCUIT唯一海外授權的樂園，「賽道樂園」的各項遊樂設施，承襲日本鈴鹿的精神，以各式各樣交通工具的樣貌呈現。
逸逸第一樣想玩的竟然是旋轉木馬，而且係講到要坐馬車，因為未坐過喎。本來仲以為依座馬車係唔會郁就咁轉，點知原來都會搖下搖下。另外依張相睇落逸逸坐得好舒服，但事實上係我地一家三口加埋我地啲背囊迫晒入去，轉個身都有困難。
下一個吸引住逸逸的就是自由落體，這款小型兒童跳樓機一向都好得逸逸歡心。而鈴鹿賽道樂園的兒童跳樓機又真係幾刺激嘅，落得好快，另外上落幅度又有變化，有幾下好似青蛙跳咁彈下彈下幾過癮。
反正之後就係由日頭玩到天黑玩咗N次，玩到最後唔駛我哋陪自己去玩都要繼續，玩依個要紥辮，於是後來逸逸索性成日都紥住條馬尾。
下一個係好有趣的越野大冒險，駕著越野車穿越翹翹板橋、石頭、車轍、鐵製鏤空橋、水道、急斜⋯⋯逸逸未夠高做司機，只能做乘客。第一次我做司機，真係好有趣，是駕車十幾年都未試過的感受，所以我強力推薦恆仔點都要試一次。
司機搞到滿頭大汗，乘客V嘩鬼叫係依個遊戲最有趣的畫面。我們看到一對父子，爸爸感覺駕輕就熟有如職業司機，兒子悶悶不樂的坐在後面，看起來多無聊。
玩到咁上下就去隔離SKM PARK OUTLETS食午餐，本來係外面睇中咗間食牛扒的，點知上到嚟就比佢對面間鐵板燒吸引住。
好耐無食過鐵板燒，這兒的價錢實在太吸引了。我們點了一個二人餐，再為逸逸加了一個三文魚扒套餐及單點了一隻煎雞蛋。
湯和飲品都是採取自助形式無限添飲，湯的味道很不錯，不過飲品只有冬瓜茶，淨係我啱飲，兩父女只是飲冰水。
飯也是自助和任食，可以加味素，又靚又好味，加上有荷包蛋的蛋汁，所以逸逸都要添飯。
有點可惜的是廚師不是在我們前面煮，不過遠遠都睇到，或者好似我咁借住去拎湯拎飲品時順便行過影張相。
三杯塔香鮮魷、香煎台東鬼頭魚排、香煎鐵板鮮蝦、白酒文蛤、九層塔煎蛋以及椒鹽杏鮑菇是我們二人餐的附餐，右上角的荷包蛋就是專為逸逸而設的。
二人餐的主菜：美國板腱牛排和原味椒鹽脆皮雞腿排
一人餐的主菜：深海鮮鮭魚
再加三盤高麗菜+芽菜
好澎湃的餐點，不過我地都好厲害，只係食淨半碟菜咋， 因為食物樣樣都好好食呀嘛~
食完午餐先在商場逛一陣街，看到非常可愛的飲品自動售賣機呢﹗