係滑浪者天堂同浪玩完遊戲之後，返酒店沖乾淨涼就再出發去市區吃午餐。
同酒店LOBBY對出的犀牛影張相，其實可以俾A$5坐SAFARI TRAIN RIDE睇隱藏係酒店不同角落的小動物，不過我地都無見過小火車出動，淨係見到佢泊埋一邊。
這個名為CLEO’S CAROUSEL的旋轉木馬都係酒店設施，又係A$5玩一次，又係無見過有人玩。
我們沿住GOLD COAST HIGHWAY慢慢向市區行過去。
最後我們來到CIRCLE ON CAVILL SHOPPING CENTRE的POKE CALIFORNIA食夏威夷蓋飯POKE，熱辣辣的天氣食涼涼的魚生拌飯，再加支芒果啤酒，正。
最正的是這兒也有熱烏冬，逸逸都啱食。
餐廳外面就是兒童遊樂場，我地仲食緊嘢時逸逸已經率先自己出去玩。
不過對於爬繩網，逸逸真係又無力又無膽，只能夠係低位影下相，同佢阿媽我完全唔似。
來到市區梗係要逛下街，餐廳對面就是WOOLWORTH，好想買支酒返酒店飲下，點解超級市場無酒賣既？
逛下商場
好可愛的KIDDIE RIDE
沿路行返酒店，經過COLES又入去行下，又買唔到酒，不過就俾恆仔見返佢係SYDNEY MANLY的COLES買過的美味芒果乾，梗係又入貨喇~
上網查一下，原來因為在澳洲賣酒要有特別的牌照，也對僱員有特別的要求，所以買酒要去找BOTTLE SHOP，同埋原來澳洲唔可以隨便係公共場所飲酒添架，所以買咗記住拎返酒店先慢慢飲。
終於搵到間BOTTLE SHOP，果然成間都係賣酒的。
一路行一路已經忍唔住要食芒果乾
可愛的AQUADUCK，如果唔係已經喺新加坡試過的話，我應該會心思思想玩。
返到酒店，下午的節目是在酒店露台做功課，係咪好掃興呢？
不過做完功課就可以落去泳池玩水喇~我地玩水的時候，恆仔除了幫忙影相之外，仲做了一件非常有意義的事，就係去洗衫，哈哈~
睇下我地玩得幾開心﹗