吃過午飯在OUTLET逛了一會兒，在逸逸一再催促之下回到鈴鹿賽道樂園繼續玩，下午遊人多了很多。
滴答電車排了好耐隊，我們大人還是不要阻住小朋友玩，所以我們做乘客由逸逸做司機載住我哋。遊戲其實要藉由操作桿控制速度挑戰不同的道路關卡，但逸逸好明顯完全無理會，只是直衝向前，所以胡裡胡塗的完成成個路段，沒有達到取得駕照的要求。
甩尾小車手，今次終於拎到駕照了﹗
每次賽道可以有四駕車一齊玩，今次係我們一家三口加一個小女孩，恆仔好頑皮，一直追住逸逸車尾，去到臨尾先至抽頭過佢。
其實除了這個甩尾小車手之外，仲有個大人版的飄移高手，身高135CM先玩得，恆仔有叫過我自己去玩，不過後來我挑戰咗個更加勁的。
排咗兩輪隊，我地去玩個唔駛點排隊的摩天輪。
移動速度都幾快
可以遠眺高雄市的景色
仲可以睇到有人在迷你鈴鹿賽道上飛馳，就係依個時候我開始心思思想試下。
一直睇住官網的各項設施等待時間，我地仲未玩過酷奇拉駕駛學校，因為等得太耐……
於是我地去試下超級怪手，感受一下1:1真實的挖土機 ，去到現場發唔係挖土而係玩吊運，唔知係咪改裝咗？要操控佢真係非常之困難，絕對係一個搞到滿頭大汗的遊戲，但真係好難得嘅經驗。
每人大約玩5分鐘，攪咗一輪唔知自己做緊乜之後，恆仔最後成功勾起雪糕筒兩次。
逸逸雖然無成功勾起過個雪糕筒，不過佢都好努力好專注咁去試。
我都成功咗一次，不過我想講之前有一下我差啲勾到個雪糕筒點知鬆返出嚟，嗰下真係好沮喪好想放棄，因為真係好難。
我堅持恆仔一定要試一次係越野大冒險做司機，佢都覺得好好玩。
今次由逸逸拍片，等大家體驗下做乘客的感受。
又來唔知第N次自由落體，升上上面時睇到超美的日落。
恆仔鼓勵我想試就要去試，我終於決定要俾錢玩迷你鈴鹿賽道。
因為前面的SCHEDULE已經FULL晒，所以預約咗7:30pm上堂，8:00pm開始穿戴裝備，預計8:12PM落場比賽。
我明明比最低身高要求155CM高出很多，職員仍然同我如果到時教練話我腳唔夠長踩腳掣就無得玩又無得退款，當然我最後都無問題喇~不過後來同同事傾開，她的女兒因為頭太細，就算夠高教練都不批准她坐雙人車的副駕駛座。
我買票的時候原來逸逸試坐咗我等會兒要駕駛的卡丁車。
買好票之後我們連續玩了三次旋轉木馬：
第一次：這是旋轉木馬上的轉轉杯，加上逸逸高速旋轉，轉到我想噁，年紀大咗攪唔掂。。
第二次：我投訴一直都未有機會上馬，今次我地地正正經經咁騎馬仔。
第三次：逸逸唔夠喉要玩多次轉轉杯，我同恆仔坐馬仔，留返佢自己轉。
入去遊戲機中心行下，除了遊戲機仲有好多扭蛋和夾公仔機。
酷奇拉駕駛學校終於無咁長龍，同佢地去咗排隊之後我就出發去上堂了。
兩父女合作學駕駛，玩咗兩次。
在爸爸的協助下拿到黃金駕照。
戰戰競競的預備上堂
要看一段影片，教點樣上車落車，卡丁車的性能和賽道的特點。
迷你鈴鹿賽道（Mini Suzuka Circuit）是日本鈴鹿賽車場唯一海外授權的專業卡丁車賽道，全長580公尺，將鈴鹿賽車場10：1等比例縮小，賽道配置從最著名的8字型立體交叉隧道，至連續S彎、湯匙彎、髮夾彎等皆完整重現。
邊啲位要加速邊啲位要小心邊啲位可以爬頭都有講。
仲要學識睇旗號
依一轉我地七架車比賽，戴好裝備就可以落場。
我想講成個過程我真係完全唔Enjoy，可能因為我太怕死，根本開唔快，個軚盤又重又係倉鼠路線，令我覺得賽道上嗰8分鐘好漫長，感覺仲長過山發當天早上自己駕駛來回屯門將軍澳……原本以為會準時8PM開始，點知7:54pm就落場比賽，完賽時兩父女都仲未到，無人幫我影相。
我係最後一名，只係跑咗5個圈，雖然第四名都係同我一樣，但係第一名嗰個跑咗9個圈。
臨走玩多兩次自由落體，最後一次係逸逸自己上去玩，我同恆仔喺下面等。
真係無諗過可以係度由天光玩到天黑，玩到差不多關門。
走的時候穿過OUTLET出返去搭地鐵，竟然俾我極速買到對高跟鞋。
我第一日著的時候連平日幫襯開間茶餐廳個收銀都讚我對鞋靚呀。