二零二四年十一月二十八日(星期四)
之前報咗幾次名上青山都因為天氣關係取消，今晚本來是參加例四夜九徑卻因九徑山有小火而改行青山，所以真係無心插柳柳成陰。
屯門牛﹗出發囉~
我之前自己行最高上到綠屋，繼續再上原來近山頂的梯級好大級，不過同九徑山相比又唔覺得比較難行，只係攀升的類型上有少少唔同。
仲記得2015年的時候因為唔夠水只係登山青山的一半，今天，我終於登上了青山之巔了！
今日天好清，屯門的夜景真係好靚。
上到山頂特別要影低個塔，逸逸成日話個塔好似城堡。
山頂超級凍而且好大風，好彩帶左絲巾可以包住條頸保下暖。
落山時巧遇青山之王院長，第一次上青山就相遇，大大增加了儀式感。
行上山時好熱流晒汗，上到青山頂真係好大風好凍，落山時又開始越行越熱。有種兩個小時內經歷了四季的感覺。
屯門人點都要上一次青山既﹗