二零二四年四月二十日(星期六)
港鐵為慶祝成立45週年，在紅磡站設立了「站見」鐵路展。
我成功登記了員工優先場，每人有兩張門票，於是我就帶埋路軌迷逸逸同埋綠鐵B先來參觀了。
入場囉
鐵路古與今
這些部件令我最有感的一定是指定轉車站牌，不過當年我是在屯門市中心搭521 (K51的前身)，上車時要將輕鐵單程票交俾巴士司機就不用另外付款。
這個雷達鐘（RADO）不是一個普通的時鐘，而是在港鐵總部有一個「銫頻率計時器」母鐘，為分佈各個港鐵車站的時鐘提供劃一報時。
各種的指示牌、月台顯示屏，好耐無見過，但係又記憶猶新。
每個地鐵站都有唔同顏色，有一段時間我地搭地鐵時都鍾意玩記唔記得下一個站係咩色。我比較熟悉港島線和荃灣線，屯馬線的西鐵段就唔夠逸逸好記性。
員工制服的演變
係公司服務了44年，退休後繼續半職工作，好厲害﹗不過因為有學徒制的關係，其實公司都有不少做了超過40年的同事﹗
兩鐵合併的各式紀念品，最大個套火車是合併時KCRC送給員工的禮物，我都有一SET。
好懷舊的單程車票售賣機，不過印象中我地都好少用。
以前爸爸媽媽會給我們買儲值票，用到最後一次如果剩下一毫子，要留返過海時先用。
各式紀念品
我記得細個儲郵票時有左上角嗰個郵票
之前提到搭完輕鐵轉搭接駁巴士要交單程車票俾司機，如果先搭接駁巴士上車時就要問司機拎轉車票。
我就唔想做港鐵司機喇~聽啲師兄師姐講，成日係黑麻麻的地底工作真係好辛苦。
落去月台層可以參觀三款火車，分別是56號柴油機車、黃頭以及烏繩頭。
首先是黃頭
可以窺探一下駕駛室
好懷舊的車廂，不過我們住在新界西，本身就唔多坐火車，所以感受唔算好深。
逸逸曾經話過好想試下坐頭等
終於有機會坐返一次喇~
其實我咁大個人都好似只係坐過一次頭等，記得當時係一早由樟木頭趕返香港返工，係深圳過關之後就豪氣啲坐頭等，起碼有位坐可以舒舒服服坐到去旺角東。
這是更古老的56號柴油機場
真係舊到我都未見過，同埋可能因為太珍貴，唔可以試坐。
烏繩頭
駕駛室睇落同黃頭都差不多，可能係先進少少。
最熟悉的環境，平日邊有可能係車廂入面咁樣玩？
仲有道具可以影相
係月台有部機可以影相，不過逸逸唔夠高，抱佢就角度就得好辛苦效果都麻麻地。
聽下熟悉廣播聲音，其實我好想知依家廣播的聲音係咪電腦聲。
最後是新鐵路的發展
最貼身的當然是興建中的屯門南延線喇~
公司活動點都要幫公司造勢影下大合照既~