每年除夕，黃金海岸都有煙花匯演。
本來今晚的節目是跟LOCAL TOUR睇螢火蟲，然後半夜再睇放煙花。依家因為天氣關係螢火蟲團取消，我地就改睇8PM開始的NEW YEAR EVE FIREWORKS FOR KIDS。
大約7:30PM我們就由酒店出發行返出去沙灘個邊。
其實都唔知確實放煙花的位置，不過見到草地有人聚集我們又找個位置坐下來。
明明睇資料話8PM開始，7:45PM就開始放煙花，好彩我地有提早出嚟。
其實我地個位都遠遠地，不過都係叫做除夕湊下熱鬧，所以都無所謂喇~
煙花都OK壯觀
係俾棵樹遮住咗有少少遺憾
睇完煙花就去搵地方吃我們的除夕晚餐。本來諗住去草地後面酒店的餐廳看看但要等位，於是我們慢慢向住市中心進發。
慢慢就行到去熱鬧的市中心
最後揀咗睇落幾有特色的CLOCK HOTEL
點都要飲返杯COCKTAIL
相對CASUAL的澳洲小餐館，好適合在黃金海岸這個著名的度假勝地吃除夕晚餐。
我的Grilled Salmon with Sweet Potato Mash，好味，逸逸都食咗好多。
恆仔吃的是他一貫的漢堡薯條
逸逸給她點了兒童餐，主菜是肉醬意粉。
食完主菜要主動搵侍應上甜品，兒童餐的甜品是雪糕，正﹗
食飽飽就散步返酒店，依個時候開始落雨了，好彩我地剛才已經睇咗煙花。
返酒店就食今日下午係超級市場買的水果，車厘子無係MELBOURNE買個啲咁好食，但係BLUEBERRY雖然細細粒但係好甜，我地仲帶咗盒藍莓返香港同屋企人分享添~
繼續食食食……今次食香橙蜜糖著片。
一邊食薯片一邊做網上功課無咁苦悶
等到過咗12點先瞓：新年快樂﹗