雖然已經由朝玩到晚，但係我地今日的行程仲未完，就係去六合夜市食晚餐。
今早出門時也有經過六合夜市，當時周圍都是靜悄悄的，到了晚上就熱鬧起來。
我有特地上網查過六合夜市必吃美食推薦，其中一家就是在街口的鄭老牌木瓜牛奶，原來我們十年前來高雄的時候也是光顧這一家。
逸逸同恆仔都係飲西瓜汁
不愛吃木瓜又不愛喝奶的我就獨愛木瓜牛奶，你話依件事幾神奇﹗
逸逸話想食地瓜球
我們這包是加了巧克力粉的口味，剛炸好熱辣辣都幾好味。
買了一條台式香腸，逸逸一邊行一邊食，好JUICY。
我們遇上另一家六合夜市必吃美食推薦 – 烤肉之家，看到各式各樣的串燒，款式多到唔知點揀。我們要先拎一個碟將選好的串燒放上去，交給店員後就會給回一個號碼牌，這個時候店家就會開始立即用炭火燒烤……
我們就坐低等食，不過因為都多人幫襯，而且燒烤需時，所以都要有心理準備等得耐耐地。
等食串燒的時候我又周圍逛下，依間和及鳥蛋蝦球又係六合夜市必吃美食推薦。
用整章魚燒個烤盤烤鵪鶉蛋，入面再放一隻蝦，好特別。其實味道都唔錯，不過如果下次再食，我會點烤鳥蛋，我自己覺得隻蝦同鵪鶉蛋並無混為一體，而且淨係烤鵪鶉蛋已經夠晒好味。
店家好識做擺到靚靚俾我影相。
串燒有得食喇~果然燒得好好食，個汁好惹味。
食得差不多就心思思想玩下攤位遊戲，依個係將波推去上面的洞玩BINGO。
其實都幾難玩，不過你可以不停俾錢續球，玩到BINGO為止，當然我地唔會喇~
嘩﹗依檔有我鍾意的蚵仔煎同埋逸逸鍾意的小籠湯包。
兩樣都好好食，飽到上心口。
喜歡肉乾的恆仔買了原味蜜汁厚切肉干，因為厚切的關係吃起來啖啖肉，而且又軟又JUICY，真係幾好味。
恆仔去排隊買烤牛肋骨，我就帶逸逸去玩射氣球。
這一支槍好實，逸逸完全唔夠力發射。
於是攤檔的叔叔叫個阿姨來招呼我們，轉咗另一支槍又有阿姨幫手，終於成功。
後來自己都攪得掂，仲射中咗一個中間正在旋轉的氣球添~
只要玩NT$100就有一份小禮物，皆大歡喜﹗當然亦可以繼續玩累積換大獎喇~
臨走再買多杯鄭老牌，今次飲蜂蜜苦瓜汁，都好好味，原來依家唔駛一定要返西門町檸檬屋。
返到酒店先食恆仔等咗好耐即叫即燒的牛肋骨，燒得好香好好味。原來恆仔一邊等一邊同店主吹水，講下台灣又講下香港的生活，如果唔係傾得咁投契，會唔會其實塊牛肋骨唔駛燒咁耐呢？