二零二四年十二月二十四日(星期二)
瞓醒覺，梳洗好又係時候落去酒店餐廳食早餐。
酒店的靜電非常厲害，每次搭LIFT按掣都會被靜電電親，所以我地搵咗KIKI幫手負責撳LIFT。
無論酒店食物的款式很多樣化還是無乜選擇，逸逸都是吃差不多的食物。
這兒的食物中規中矩，最有趣的是其中一款供應的水果竟然是甘蔗，記得以前爺爺會買蔗返屋企食，依家都唔知邊度有得賣，淨返專賣蔗汁的舖頭先見到蔗的踪影。只飲過蔗汁的逸逸終於有機會學下點樣食蔗。
早餐樣樣都試下，當然我都有食蔗喇~
之前提過逸逸要連續滴三日放大瞳孔藥水，今日開始喇~因為滴眼藥水後會變得怕光和視力有點模糊，我們也不清楚是情況會越來越嚴重還是怎樣，所以決定今天先去最想帶逸逸去睇的象鼻山，不過無諗過原來今天早上其實無論去邊都係錯誤的決定。
由酒店出發去象鼻山是步行距離，我們慢慢沿著湖邊散著步前往景點。
好多市民在湖邊做運動，有耍太極、跳舞，我們在這兒見到很多人在玩這種用球拍帶球的廣場舞，大開眼界。
另一樣大開眼界的是這些叫做”黑老虎”的水果。
見到象鼻山喇~象鼻山位於桂林市中心、漓江與桃花江的交匯處，它猶如一匹舒卷長鼻、豪飲漓江甘泉的巨象而得名。我地係度同恆仔FACETIME，等逸逸同爸爸分享桂林的風景。
因為我地望住象鼻山行過去，但係原來景區入口在另一邊，就在我們在景區外折騰之際，逸逸的眼睛開始怕光感到不適了。
進入景區都遇到障礙，老人兒童直接免票入場，但係成年人就要先用微訊登記，領取免費門票之後再刷QR CODE入場。我好不容易登記了一堆資料之後，身份証明文件號碼只接受內地的身份証，持回鄉咭的我根本不能完成登記，最後同門口職員溝通後他就讓我直接進場了。
眼睛唔舒服的逸逸開始持續生悶氣，以及變身黏黏逸，不過不是黏我，而是黏住啲樹。
好有型的樹幹隧道，夏天唔知上面係咪會舖滿樹葉呢？
象象長椅排排坐，這個時候逸逸已經太唔舒服控制唔到自己的脾氣了，我決定去舖頭幫她買一副太陽眼鏡。
好彩又俾我地搵到，雖然都係唔舒服，但總叫做舒緩少少，起碼肯配合影下相。
象象郵差
象象長椅
象象石雕，總之周圍都係象。
依個時候開始，逸逸每經過一棵樹都要埋去攬住，仲要我幫佢影相。
影咗N張，我只係揀啲影得靚的來放BLOG。
原來水災水位可以升到咁高，唔好以為好耐之前，2024年6月就曾經水淹到最頂個紅色E字底部，只要上網查一下6.18桂林洪水就知有幾恐怖。
圍欄配合樹木去建築，又俾逸逸諗到咁樣坐係棵樹上面好似騎馬咁。
公公又學孫女坐係樹上面同樹影相
我們進入象鼻山旁邊的愛情島。
我和我的逸寶寶
原來以前的外滙券50元正面的圖案是桂林象鼻山，提到外匯券其實我只記得小時候去內地旅行爸爸媽媽說要总換外匯券，但無印象個樣係點，我仲想像以為係好似支票咁。
開始適應咗朦朧的視野，又戴咗太陽眼鏡，心情開始好返啲。
周圍都是漓象音樂的佈置，原來將要在這兒舉行跨年晚會。
我地一邊行返酒店一邊繼續影相……