二零二四年十二月一日(星期日)
又再一家三口一齊參加跑步活動，今次係寶礦力水特跑步祭2024。
因為上星期才跑完半馬，所以今次我哋三個都係參加3K賽事。點知再次因分組關係無得三個一齊跑，結果恆仔10:45am先跑，我同逸逸就要等到11:15am才起跑。
寶礦力水特跑步祭最大的優點係寶礦力任你飲，恆仔跑緊的時候我地去飲返杯寶礦力先。
CHEERS~
時間差不多就去終點附近等恆仔
補捉到恆仔的身影了
到我地出發喇~本來今日我都諗過要唔要自己衝，但係昨日先病到失聲，今日仲係keep住咳，都係唔好辛苦自己，陪逸逸慢慢跑。
沿路幫逸逸影下相
又可以一邊跑一邊同逸逸傾下計
對於逸逸嚟講，水站係要停低慢慢飲架~
YEAH~
逸逸病病豬左超過一個月，跑咗2.5K開始話無力唔想跑，不過梗係要頂硬上，最後100米我問佢可唔可以快過前面班姨姨，結果一支箭咁衝返終點，根本仲大把貨。至於我，慢跑完3K只係剛剛熱好身，未開始跑就完咁，哈哈~
我地完成喇~其實8歲可以完成3K真係唔簡單，我細個時就做唔到。
比賽完喺會場影下相
依張相好有型
今次3K賽都搵到攝影師的靚相，好開心呀﹗
