二零二四年八月二十八日(星期三)
今天我們要離開豪斯登堡了，不過離開之前當然係食返個豐富的早餐先。
今日繼續試其他長崎特色食物，又要食昨日試過好味的食物，食飽飽就CHECK OUT出發喇~
天氣開始轉壞了﹗今個旅程一直都是在留意著台風十號的動向。明明之前一直都係話影響東京大阪一帶，唔知點解突然轉軚襲九州，仲要開始殺到埋身，周圍開始大風，公共交通工具已經開始受到影響，所以酒店LOBBY都放晒最新的交通資訊通知旅客。好彩我地今次係自駕，仲未影響到我地的行程。
離開的時候突然發現唔見咗酒店張泊車票，點知同酒店櫃台職員講聲之後，佢又好順攤咁即刻俾過一張票我出閘，可能因為大家都係泊低架車兩至三日，所以成日都有人唔見，所以他們也見慣不怪。
今日可以按原定計劃去動物園，今次去的長崎Bio Park最出名就係可以同好多動物有近距離的接觸，同埋好多餵食的機會，條件係要預備大量的100円硬幣，不過中間佢都有硬幣兌換機。
未入場首先見到佢，有個牌仔話佢隻耳仔跌落嚟既時候就係表示佢好驚，對比一下明明依家個樣同個牌仔上面話耳仔跌落嚟好似差唔多，但係佢個樣睇落似好悠閒多啲。
入場喇~今日遊人好少，一來日本小朋友的暑假已經結束，二來颱風來襲，大家都想揀好天氣才來跟動物互動。
首先見到水池中間小屋上面的猴子
以及在池邊隨意走動的鳥
沿著有蓋通道跟著地板的腳印向前走
原來剛剛的是河馬的腳印
之後又換了另一種動物腳印
原來今次係水豚
今次依款腳印好熟悉喎~
依種動物叫做HOMOSAPIENS，乜個字咁深既？
依種動物點既樣架？行埋啲望下，逸逸咁既樣喎~既係HUMAN，至於HOMOSAPIENS原來係生物學分類上面人類的分類名稱。
終於來到第一個可以餵動物的區域，佢地係兔豚鼠。
雖然是有圍欄，但牠們的活動範圍其實好廣濶。
可愛的兔豚鼠家族，不過我真係好辦法認到佢哋。
想餵小動物就預備好你的硬幣，我地買咗100円的小粒おやつ，即是小點心。
兔豚鼠食嘢好乖，完全唔進取，好似食又得唔食又得咁，啱晒作為熱身的逸逸。
餵完兔豚鼠，我地跟住建議遊園路線入咗FLOWER DOME同LIFE DOME，最吸引我眼球的一定是蝙蝠。
上次去沖繩隔住個籠睇蝙蝠已經覺得好近，今次係無遮無擋咁係前面，好神奇。
跟住我地見到下一種可以餵飼的動物：黑狐𤠣
依啲黑狐𤠣太進取，見到佢會企高拉你隻手睇下有無食物，我哋唔敢餵。
甚至驚到唔敢同佢地有眼神的接觸
跟住仲見到其他不同品種的猴子
佢地係美國海狸，睇下佢地條尾好似船的舵咁，好攪笑。
接著我地來到紅鶴區
咄咄迫人的紅鶴，嚇到逸逸要逃走，同埋佢哋個嘴好濕。
周街行的紅鶴也是一道風景，依度無圍欄，唔知點解佢地又唔會離開自己的地盤。
山羊的STYLE都係咄咄迫人，平日太機會餵山羊，所以唔好意思，我地今次SKIP咗你喇~
來到BIOPARK，除了睇動物以及同動物互動之外，仲可以釣小龍蝦(ザリガニ)。可以同園區租用工具，可惜我們時間不夠，無機會試下。
來到水豚區，首先見到個亭。
原來係佢地個溫泉池，如果冬天來就可以見到水豚浸溫泉。
夏天水豚就係水池區
我地當然唔會錯過餵水豚的機會，原來水豚好大力，個嘴一扯就成棵植物甩手。
水豚的毛超級硬，好似掃街的掃把。
咁難得的機會，我當然都無錯過同逸逸一齊親親水豚喇~