二零二五年六月三十日(星期一)
話想一家九口一齊來個短旅行已經講咗好耐，小朋友的日程太緊湊，成個六月雖然已經考完試都搵唔到一個WEEKEND可以成行，反而有人突然提起七一都放假，於是6月30日只要我請半日假DAY放工後JOIN就可以下午出發。
一開初都是提議去深圳玩，不過確實地點未有定案，正當大家討論深圳有咩好嘢食講得興高采烈的時候，妹妹又提議可以去宿營，不過我和媽媽立即反對。其實本來宿營真係好好玩，去年我地成班人一齊去宿營都玩得好開心，但係宿營最壞的地方就是劣食，所以今次我地依次深圳灣之旅一定要是美食之旅。
今天中午約了逸逸的同學吃午餐，本來打算吃了午餐就出發，點知人算不如天算，恆仔隻眼嚴重發炎，我地睇開的眼科醫生放緊大假，於是早上妹妹轉介了他去睇政府眼科，所以睇完眼科上到深圳就夠鐘吃晚飯了。
今晚吃晚餐的地方是我們推介位於南油站來福士廣場的鼎香緣。依間餐廳好多嘢食，火鍋燒烤熟食都有，而且價錢非常實惠，所以自今年3月第一次來之後，今晚已經是第四次光顧它了。
鼎香緣最吸睛的一定是各式各樣的海鮮打邊爐
不過其他配料都好豐富
除了打邊爐之外仲可以烤肉
這兒也有提供幾款刺身，雖然款式唔多，三文魚都幾好食。
各式涼菜，我最鍾意就係辣辣的中式涼菜，超好味。
西式的前菜蜜瓜火腿都有
中式的熱炒、點心、湯品都有。
還有各式各樣的串燒和炸物
甜品就食雪糕算喇~蛋糕不論外表同味道都好一般。
飲品方面又係超多選擇，鮮榨果汁、汽水、珍珠奶茶、乳酪、涼茶都有，酒精類仲誇張，紅酒、白酒、清酒、啤酒、中國白酒、樽裝雞尾酒都有，睇見都開心。
阿DAY要加班JOIN唔到晚餐，下次可以再一齊去食過。
今晚的SPECIAL HIGHLIGHT係燒蟶子同埋鰻魚，第一次見，而且好好味﹗
因為有經驗所以識得節制，今次終於食咗一大盤色彩繽紛的水果。
食完晚餐就搭返地鐵去酒店，今次我們入住深圳灣萬麗酒店，LOBBY是在57樓。
舒適的房間
夜景也很漂亮
由細到大一住酒店就興奮
有個咁靚的浴缸梗係要浸下浴喇~