二零二五年一月五日(星期日)
自從2024年開始玩山之後，好想帶逸逸體驗一下越野跑的樂趣，知道究竟媽媽平日係度玩緊乜嘢﹗
今日依個Salomon 4K 親子熊貓跑係逸逸的第一個山賽，起點和終點都係城門水塘，辛苦恆仔做司機接送。
主辦單位好有心思，特別安排咗小朋友的影相環節。
好可愛的大熊貓芝芝添﹗
平日行山都一定要帶備珍寶珠的逸逸，跑山都係一樣。
屯門牛山友
一起步就拆支珍寶珠嚟食，食到差不多到終點就剛剛食完，Perfect!不過我下次會更加醒目，起步前拆定先，起跑後先話拆有點狼狽。
逸逸話山路好好玩
第一次行依啲路覺得好有趣。
上石級難唔到逸逸
始終有長跑經驗，同佢講淨返最後1km佢即刻話好快就到可以加速跑少少。
一邊行一邊傾計，又可以睇下風景，開心過路跑。
一向養生跑的逸逸跑3公里平路都要28分鐘，4.3公里山路總經過時間1小時5分鐘，仲要已經去埋廁所，其實幾唔錯。
除咗獎牌之外，衝線時小朋友仲有包糖。
山賽終點的食物比路跑豐富得多
今次仲有特別為小朋友而設的棉花糖
等恆仔來接我們的時候又可以再同芝芝影相，好開心見到逸逸Enjoy越野跑，希望之後再有多啲親子越野跑的活動。
攝影師靚相：
我地竟然唔覺易同咗山界勁人聰SIR同埋鷹鷹合照呀﹗