二零二五年八月十九日(星期二)
今天起床第一個節目是吃早餐。
落到餐廳只見到爸爸，原來媽媽身體不適留在房中休息，幸好後來也可以跟我們一起參加今天的活動。
第一天的越南早餐，當然選吃特別的食物，蒸粉、椰撻、Pho⋯⋯仲食咗一大盤各式各樣的水果和燉蛋。
最驚喜係煮蛋的廚師竟然識講廣東話，我同逸逸討論要食乜嘢蛋，佢話要炒蛋，廚師突然搭話：「可以揀配料！」，確實嚇了我們一跳。
今天早上的節目是去逛街市同埋學煮越南菜，由酒店大約行20分鐘就會去到集合的街市。
話晒我哋都見過世面，小時候返大陸過馬路都難唔到我哋，無諗過仍然在越南會被蜂擁而上的電單車陣嚇親。
見到街邊的越式法包，剛剛食完早餐沒有辦法品嚐，之後一定要搵機會試下。
因為絡繹不絕的車流，直去的車和轉彎的車已分別轉換第二次我哋都無察覺到，直至清醒的曉曉問究竟我哋幾時過馬路，我哋才發現原來轉彎車過的時候我哋係要強行行出馬路，車自然會避開我哋。（記住係避開，唔係停車）
之後我哋話過馬路要9個人先堆成一團再過比較安全，夜晚要過馬路最好著反光衣，哈哈~
經過獨立宮
獨立宮對出的草地很多人坐著休息，好嘆咁~
在獨立宮對出的馬路，我地遇到協助遊客過馬路的Tourist Security，前面綠色制服的人就係在引領我們過馬路，要有咁既陣容係咪更加能明白到係越南過馬路有幾難？
胡志明市街上仲有好多依類共產黨的宣傳壁畫，中國以前都好常見，依家就已經少見咗好多了。
終於來到胡志明市最大、最古老、又最靚的街市 – Ben Thanh Market。
Ben Thanh Market建於1914年，已經有111年的歷史了。
今日由Saigon Cooking Class的老師One同埋助手Vivian帶我們逛市場。
對我來說，成個街市最吸睛的一定是拆晒殼的新鮮蟹肉，好豪華！
另外，牛肉檔豬肉檔各個部位齊備，全部在檔口展示出來。
牛尾成條掛出嚟
豬連乳房都有得賣，大開眼界！
蔬果類就認識到一些新奇的水果，其中一種就係橙色的刺苦瓜，老師話當地人會用來榨汁。
我們一陣會用香蕉花做食材
老師展示了香蕉花入面的蕉BB俾我哋睇
乾貨就有各式香料、零食、咖啡、月餅等等
越南的月餅造型比我們的花巧得多
各式廚具
這兒也有餐飲攤檔，我哋參觀咗即製越南粉包。
另外也有紀念品的店舖，老師經過其中一家時說跟店主說認識她可以用Local價買錢紀念品，可以便宜5倍，之前我哋討論到去越南買嘢討價還價係咪應該直接開半價？原來砍半都已經係水魚。
逛完街市我地就搭COOKING CLASS預備的車去STUDIO學煮越南菜了。