返酒店放係太陽伊貝之後我們又再次出動，今日我地要去張保仔洞探險。
我們由碼頭行去張保仔洞，四年前行山路，今次就沿海邊行過去。
今日天氣真係好熱，不過一路行一路捉POKEMON又好OK，但係點解道館係晒山上面既？
行到中途實在太熱，要坐下來休息一下，我在這兒除了飲了檸檬薏米水之外，仲食咗一個芒果雪米糍，不過味道同我想像不太一樣，沒有冰涼感，有點失望。
一邊行一邊玩，大約花了半小時，終於來到張寶仔洞的山腳。
四年前逸逸就係依個位因為行得咁辛苦竟然唔入去張保仔洞而爆喊，今日我地要預備入去探險喇~
入去張保仔洞基本上一定要手腳並用，恆仔沒有入去，在外面等我們，而逸逸亦終於明白當日點解我地唔俾當時未夠5歲的她入洞了。
入面其實無嘢睇，就係爬落去一個黑沉沉又有少少濕的地洞再爬返上來，不過平日確實唔會有咁既體驗，而且亦有探險FEEL。我地今次特別為入去張保仔洞依個行程帶咗頭燈竟然唔記得拎，結果要一隻手拎電話做電筒一邊爬再要照顧個女，其實都唔簡單。
明明記得張寶仔洞係一邊入一邊出，點知去到出口，不論向上爬定向下爬好似都睇唔通條路，都係原路返去比較穩陣。起初逸逸有點崩潰，但好快打起精神：我唔係BB，我做得的👍🏻
其實洞入面條路好窄，如果遇上對頭的人潮根本唔夠過，不過我地又好好彩無遇到其他人。後來聽返待在入口的恆仔講，我地入咗洞的時候都有幾組人來過張保仔洞，不過全部都係在洞口影張相就走了。
下一個節目係逸逸最期待的去東灣游水。
睇下佢幾興奮
戰友當然係我喇~
恆仔留係岸上面睇我地玩
晚上去咗海邊的海鮮餐廳吃飯，坐在海傍食晚餐好涼爽，係擔心跌樹葉落嚟加餸。
雖然係去海鮮餐館，但係我地主力唔係食海鮮，除咗椒鹽鮮魷之外，另外點了肉鬆蒸水蛋和春卷，至於蒜蓉炒白菜和個湯就係店家送的。我想講佢個蒸水蛋好得，除了蒸得好滑之外，啲蔥同埋豉油都令個水蛋更香更美味。
去長洲夜晚一定要食宵夜，所以返酒店休息一陣之後我地又再出動，我地買咗煎釀三寶、燒腸仔、燒賣同埋甜不辣。
仲有即蒸牛肉腸粉
買完宵夜行返酒店途中發現海灘個邊有POKEMON GO道館打，我地又行咗去玩咗一陣。
跟住就返酒店開餐了﹗