二零二五年八月九日(星期六)
今天是恆仔的生日，生日快樂﹗
酒店提供SEAVIEW ROOFTOP BREAKFAST，本身PACKAGE無包都只是每人$48，不過ROOM GUEST ONLY。
早餐是SEMI-BUFFET，外面BUFFET枱有麵包可以烘多士，可以配芝士、蕃茄和青瓜，也有CORNFLAKES和水果，飲品就有牛奶、橙汁、咖啡和茶。
主菜是雞蛋、火腿、煙肉和腸仔，可以全選，也可以按自己的喜好和食量作選擇。
天台玻璃屋望住個海食早餐，真係好Chill~
我除咗MAIN PLATE之外，仲食咗水果和CORNFLAKES，YUMMY~
今日好痴線咁食完早餐要趕返咗出荃灣學魔術，1:00PM要到荃灣，所以我地計劃搭11:15AM的船出去，仲有少少時間，我地在長洲街頭隨便逛逛。
我們經過了這家長洲文化館
這兒有個「非遺」工作坊套餐，包括有平安包工作坊、芒果糯米糍、手工梳打以及長洲戲院門票，看起來很有趣，職員又推銷說長洲戲院可以全日無限次進出，在長洲街頭逛得太熱可以隨時入去嘆冷氣休息一下，於是我們就被說服預約了活動。
仲未夠鐘去搭船，即刻買多兩張長洲戲院門票先入去逛逛。
長洲戲院是本地保存最古老1930 年代的戰前戲院之一，與油蔴地戲院同期興建，同樣被列作三級歷史建築物，於1997年結業，2011年開始修復工作，至2023年長洲戲院活化項目正式推出。
空地放有一個小包山，2009年我同恆仔都試過太平清醮早一星期入過去長洲參加包山嘉年華湊熱鬧，回憶滿滿。
今日我地搭的是慢船，長洲同荃灣的距離真係好遠，去到中環搭埋地鐵過去剛剛唔駛遲到。
一小時的親子奇趣魔術初班，今次係恆仔同逸逸的親子時間，玩得好開心，仲可以帶走一啲魔術小道具，返屋企繼續做小小魔術師變變變。
朝早報名參加平安包工作坊時的慨念是2:00PM在荃灣上完魔術班再返長洲4:00PM學整平安包係完全無問題，直至我在等兩父女學魔術時先至突然驚覺我地要搭到2:30PM班船先至會趕得切4:00PM學整平安包，結果當然係一落堂就即刻衝去搭的士喇。
不過走之前都要同鐵仔影埋相先
總算有驚無險2:26PM去到中環碼頭，仲夠時間可以買兜燒賣食頂下肚先至上船。