大約5分鐘車程就來到SAIGON COOKING CLASS的STUDIO。
要穿過一幢舊樓入去
明亮的教室
每人獲發一條圍裙，叫逸逸擺個Pose影相，一睇就知係睇得黑白大廚多啦！
今天的Menu
1. Fried Spring Roll (炸越南春卷)
2. Banana Blossom Salad (香蕉花沙律)
3. Chicken Pho (越南雞河)
已經SET好每人一個工作位置
首先分工合作用雞脾同香料煮咗Pho的湯底先，由於媽媽不吃雞，所以她和另一個素食參加者就煮另一鍋素湯。
炒蔥頭
用烤過的薑來煮湯會更加香
煲落個湯我地就先返出面學習煮其他食物。
我地首先學整越南春卷，要先切好春卷的餡料。
製作春卷的沾醬，可以按自己喜好加上辣椒。
原來越南不同地區春卷的形狀都不同，老師教我們包成圓柱，但係我哋有包袱，包到成條港式春卷咁，反而有助手協助的逸逸和無乜包袱的恆仔春卷比較似樣。
略扁的春卷
炸春卷
春卷炸好之後，還要包住生菜、紫蘇同埋唔記得咩葉……
用蔥紮起來，再加上自家調製的沾醬來享用，真係非常好食，各式香草唔會太過搶，好調和。
一整好就即刻食，唔係賣花讚花香，依個係我食過最好食的越南春卷，逸逸可以自己食晒三條。
第二樣係香蕉花沙律
香蕉花是陌生的食材，不過味道其實沒有好強烈，我們主要是吃香蕉花入面黃色的部份，在沒有香蕉花的地方可以用椰菜取代。
老師特地要我們用波浪紋刀切蘿蔔絲，原來有助吸收醬汁。用波浪紋刀切蘿蔔特別花氣力，一向無乜力的逸逸幸好有助手過來幫忙。
切好材料之後，將所有材料與調味料混合並用手拌勻，這樣能幫助吸收醬汁，令沙律更加美味。
用香蕉花擺盤，靚~
香蕉花沙律好清爽，配上芝麻薄脆一齊食，正﹗
我地返入去煲湯的廚房，湯底已經煮好，期間助手亦幫我們將雞脾拆肉再將雞骨放回湯入面繼續煮，確保雞肉保持嫰滑。
恆仔幫雞湯湯底調味
爸爸就隔走湯料
大家分工合作
老師同我們講解香草的MAGIC比例
我哋就入去煮粉，芽菜淥10秒先食真係正好多，按老師指示加合適份量的香菜，再加少少胡椒。
味道非常之調和，唔會有食草的感覺，依碗係我食過最好味的Pho。
媽媽的素食PHO主材料是炸豆腐，湯底好清甜，同我們的CHICKEN PHO完全唔同風格，不過都係非常好食。
老師的Recipe加上她預備的食材製作出來的成品全部都超級好食，我食過最好食的越南炸春卷同埋Pho竟然係我自己整的，真係好AMAZING﹗其實香蕉花沙律都好好味，只不過因為我都係第一次食，所以無得比較。我哋煮完每一道菜都係即刻食，去到尾真係飽到上心口。
最後竟然還有老師為我們預備的甜品，可以二選一。
這個是傳統香蕉雪糕，好味到阿DAY返到香港之後上網搵食譜，整咗俾我地食。
這個是芒果乾配蓮子，點解芒果乾可以咁甜咁好食，其實我平日唔太好芒果乾的。
同老師和助手們大合照