二零二五年十二月七日(星期日)
終於來到比賽的日子了。
因為我們住的酒店就在比賽起點的旁邊，可以睡到5AM才起床。
酒店包的早餐非常豐富，有鹽味可頌、芝麻可頌、雜糧麵包、雜糧棒以及一條蕉，飲品就有一支水同埋一支寶礦力，份量太多當然食唔晒，今朝我就食咗芝麻可頌、雜糧棒以及一條蕉，麵包是酒店樓下BAKERY的出品，好味。
仲有張咭仔同馬拉松跑手加油，好有心﹗
執埋行李CHECK埋OUT，在LOBBY看到一大班同樣來自香港的跑手，他們是來自香港失明人健體會的視障運動員及義工，睇返佢地FACEBOOK介紹，原來今次有6人參加全馬，16人參加半馬，32人參加10公里賽事，再加埋領跑員和義工，總人數超過110人，非常熱鬧。
出門之前先去便利店買杯咖啡
黑夜中的故宮南院
昨天試路時跟隨指示牌行去會場，繞了一個大圈，回程時發現了捷徑；今早出發去會場時打算走昨天的捷徑，行了一陣就見到有選手回頭並告訴我們此路不通。原來晚上穿過博物館外平台的通道會封閉，所以昨天我們看到的指示牌是給今天的我們看的。
因為封路大家要一起走回頭路的關係，就開始一邊行一邊傾下計。當他們知道我們從香港來的時候，就當然要談談渣打馬拉松，他們驚訝渣打馬拉松參加人數竟然有74,000人，比台灣最大型的台北馬還要多一萬人……(我們今次參加的故宮南院馬拉松參賽人數是4,700人)
大家都向著會場進發
影下拱門
今次比賽是樂活資訊服務股份有限公司承辦，所以場內也有樂活報名網的宣傳品。
一齊做熱身操
場地廣闊，參加者又不多，大家都有足夠的空間跟住主舞台的LEADER做熱身。
路線說明：
起終點:故宮北門慶典花園→右轉順時針繞行故宮一圈由北側門(補1)→右轉接故宮北路(嘉58鄉道)(在嘉59路口左切入新的自行車道.與嘉58平行)至高鐵大道路口(補2)→再右轉接故宮大道→右轉小慷榔(補3) (嘉46鄉道)大樹路口→再右轉入小慷榔仁和社區→右轉故宮北路至故宮北門→左轉嘉57鄉道(南宮路)到蒜興路口→右轉蒜東村(補4)小塗獅方向→再右轉嘉54鄉道過灣內大橋過橋→左轉朴子溪堤防(補5)往苦楝花綠色隧道(補6)到底(補7)→再原路折返至小塗獅再→右轉蒜興路小7六腳農會方向(補8)→過蒜新路(嘉157縣道)往自行車道前進→過南宮路嘉57鄉道繼續順著自行車道前進→再右轉鄉道嘉53再→左轉縣道166到用久商店(補9)再順著縣道166→再左轉中溝正義村風車方向→再左轉自行車道→再右轉嘉53鄉道(補10)再→左轉嘉50鄉道往新建六腳鄉公所(補11)方向→再右轉縣道157經蒜頭大橋→再左轉小慷榔嘉46鄉道→再右轉故宮大道逆向跑人行道至故宮南院南門(大門) →靠右接南故宮步道至終點
今次初馬，除了擔心那未知的最後10K之外，另一個令我有不安的地方就是比賽的路線。台灣路跑比賽跟香港不太一樣，反而比較像山賽，好多地方都沒有明顯的封路，參賽者跑下跑下就會慢慢開始分散，如果前面後面都唔見人，跑錯路咁點算？所以早一晚我特地看了一遍GOOGLE MAP，加上昨天在附近玩的時候對附近的路也有點認識，總算比較安心。
預備出發喇﹗前面舉旗的是今次將會完成百馬的健兒，究竟要完成一百場馬拉松要幾耐？
首先在故宮南院園區跑一圈再離開園區，園區路比較窄，所以初段是有點塞人。
一邊跑步一邊欣賞美麗的日出，真好~
因為半馬組只比我們遲10分鐘出發，所以大約跑了半小時就開始陸續有半馬的快腳爬我頭了。
一路上見到最多的農作物：粟米
以前這兒有糖廠，所以也種有不少甘蓆。
一直5:00的pacer都係我附近，不過去到大約30K我就開始墮後追唔返了。
我同前面的女士追追逐逐咗成程咁滯，去到最後大約5K我先放甩咗佢。
路上遇到同樣來自香港的參加者，就是跟我們住同一酒店的視障人士，我有用廣東話大叫：「加油！」
今次賽事每大約3K就有一個補給站，有好多嘢食，也有冰凍的飲品。除了食物和飲品之外，在尾段還會提供一袋袋冰俾有需要的參賽者冰敷或降溫。另外，補給站旁邊通常都有幾支撒隆巴斯之類的噴霧俾參加者自己用，後期雖然無抽筋見到有我都有噴下。
跑馬拉松時間長，所以除了配速之外，補給也是需要考量的重要策略。因為今次是初馬，在無乜慨念之下都係每個補給站都食少少，另外中間分別係大約20K同30K各食咗一支Gel，食物食咗落肚總會有用，但效果沒有很明顯，仍然是越跑越無力。不過，長跑靠的除了是意志，就是分拆開的每個短期目標，所以我在尾段的目標就是3K後的補給站，好有幫助。。
唔好理有無用，總之今次食咗好多嘢，包括西瓜、雞肉、豆腐干、魚蛋、蝦、雞腎、鐵蛋、煎蛋、夾餅、酸蘿蔔、橙、壽司、香蕉、香腸、曲奇餅、芋丸⋯⋯我估應該有寫漏，不過時間太長補給站太多真係記唔住。
飲品方面除了水和運動飲品之外，仲飲咗綠豆薏仁湯、咖啡和啤酒，今次我自攜水杯，除了可以為環保出一分力之外，還有一個好處就是後期我在補給站盛了水之後可以一邊行一邊飲，飲完將摺叠杯放入褲袋就可以繼續跑，節省時間。
依隊粉紅色的人是百馬團，支持及陪伴隊員達成百馬，氣氛好熱鬧。
我和對面線的妹妹相遇，她幫我拍照。
故宮三寶
最厲害的補給站：用九柑仔店對出的補給站，大蝦和啤酒都係依度供應。
跑跑下馬拉松竟然自己去彀食白焯蝦，實在太AMAZING，所以我都不嫌麻煩點都要食返隻。
來到蒜頭大橋，已經差不多去到只剩最後5KM了。
我驚會抽筋，上橋已經唔敢跑，只係急行上去。
我得咗喇~我終於成為42.195KM FINISHER﹗
史上最「有食慾」的完賽獎牌 —肉形石
大會的個人完成時間係5小時4分鐘50秒，加購初馬獎盃免費鐳射雕刻。
雖然破唔到5，不過我隻錶總計跑咗43.06公里，完成全馬距離時仲有1分鐘先5小時㗎！
我個成績都好唔錯
好明顯過了半馬之後就開始慢落嚟
終點除了每人有支水之外，仲有冰凍酸梅湯Free Flow，正。
等埋妹妹先一齊食完賽便當
用晶片換咗杯阿里山咖啡
百馬對我們來說是很瘋狂的慨念，妹妹隨便揀咗其中一個完成百馬的跑者的宣傳FOAMBOARD影相，沒想過依位蔡詩萍原來竟然是臺北市政府文化局局長。
我們的翠玉白菜初馬獎座，靚~
王上完成百馬，今日有一班太監和妃子陪他一起完成。
今次初馬，一邊跑一邊同自己有好多對話：
- 去到大約35K的時候：好辛苦，好後悔報咗渣馬全馬……
- 多次相類似的自問自答時間問：仲有幾耐先調頭 ？答：邊度調頭重要咩？反正點都要跑夠42公里先會跑完。
- 行緊的時候：我要的起心肝跑跑緊的時候：我好想停落嚟行
比賽靚相：今次除了表情管理不錯的相片之外，也課金買了滿臉辛苦的照片，記錄低真係跑得好辛苦﹗
真係好辛苦