我們來到新加坡了﹗
都怪我一心諗住已經來過新加坡多次無做功課，一落飛機先見到要預先在網上填寫好電子入境卡的易拉架，於是立即在閘口停下來乖乖用手機填表，填好先再慢慢行去入境櫃位。
樟宜機場出名多綠化，影相好靚~
好靚的DISNEY聖誕樹，因為迪士尼遊輪「探險號」將於2026年3月10日以新加坡為母港首航，所以機場周圍好多DISNEY。今年逸逸將會第一次跟學校參加兩日一夜的活動，所以特地給她買了一個小小的旅行箱，今次旅行就讓她實習，學習照顧自己的行李。
自己親自將行李從行李運輸帶上拿下來，叻叻﹗
我地直接由機場搭地鐵去酒店，搵唔返當年買的EZ-Link，不過依家好方便，用信用咭就得，所以直接用APPLE PAY出入閘就攪掂。今次住烏節路附近的HOLIDAY INN SINGAPORE ORCHARD CITY CENTRE，係SOMERSET站落車。
每次往來地鐵站和酒店都要穿過ORCHARD CENTRAL同埋THE CENTREPOINT兩個商場，可以順便行下街。
可以睇下扭蛋
依度間DONKI有酒吧，叫做DRINK DRUNK DONKI，好有趣﹗
第一次經過依幅畫的時候逸逸無乜感覺，嚟多幾日去多幾個地方之後就認得出地標了。
最STANDARD但舒適的酒店房，雙人床夠大，夠晒我地三個人瞓。
SETTLE DOWN就出去食晚餐，我地行返出去CENTREPOINT，順便影下聖誕DECORATION。
CENTREPOINT的聖誕裝飾以LINE FRIENDS做主題，雖然唔算好有聖誕氣氛，不過影下相都開心。
聖誕節食西餐先有FEEL，我地揀咗ASTONS STEAK & SALAD食SEMI-BUFFET。
先揀好主菜同埋俾錢先入座，然後就可以出去BUFFET枱拎食物。唔知係咪生意太好我地又太晏嚟，主菜無晒牛扒，所以我地全部好慳錢咁食雞。恆仔的係GOLDEN FRIED CHICKEN，我就揀咗LEMON LIME CHICKEN，逸逸食兒童餐，選了她最愛的NUGGETS & CHIPS。
BUFFET枱食物選擇唔算很多，但計返價錢其實就好OK，有湯、沙律、小吃、甜品、飲品。
睇下我個聖誕大餐幾豐盛﹗
餐廳外面有得夾公仔，我地又去玩下﹗
神之手逸逸大成功﹗
又有戰利品可以帶返屋企。
CENTREPOINT有間兩層高的DECATHLON，我地又入去行下。
依度有好便宜的兒童釘鞋，其實啱逸逸打HOCKEY著，但係顏色唔係好靚，逸逸又覺得唔係太舒服就作罷，不過我地都係度幫逸逸買咗SHIN PADS，依度呎吋選擇比香港多好多。
一層都未行晒人地就夠鐘收舖，之後要安排時間再繼續行。
我地慢慢散步返酒店，竟然有毛毛雨，所以我地快望一下烏節路的聖誕燈飾就算，無再慢慢參觀，不過馬路上面簡簡單單的燈飾都幾靚呀~