離開SAIGON COOKING CLASS，我地分乘兩架GRAB去THE CAFE APARTMENT。
CAFE APARTMENT早期是美軍軍事顧問及政府海軍辦公室及住所，建築已有50年以上的歷史，最大的特色就是集合了好多CAFE。
另一個特色就是搭Lift要俾錢
雖然只係3000越南盾，即係大約HK$0.9。
我哋都係選擇行樓梯
大廈入面有好多CAFE，也有很多手作小店，行咗兩層我地就決定落腳點。
我地揀咗OPPS﹗依間CAFE裝修唔算好Fancy，但係可以容納晒我哋9個人。
OPPS的特色其實是各式口味的車輪餅，不過我們剛剛才食飽飽，目的只係HEA下扮CHILL，所以只係揀咗飲品，我就飲咗杯超甜咖啡。我們用英文跟店員點飲品，因為我地人多店舖選擇又多，所以都擾攘了一段時間才完成，到付款的時候，我們才剛到埗第二天，對越南盾仍然很陌生，在辨認手上各種紙鈔之際，店員突然間一句：”依張呀”，原來佢都識講廣東話﹗繼今朝食早餐負責煎蛋的廚師識得講廣東話之後，下午又再次遇到識講廣東話的店員，究竟越南人識講廣東話的比率有幾高呢？
CAFE的露台仔好正
大家都相繼出嚟影下相
DAY仲落咗樓下同大家影相添~
飲完嘢又係CAFE APPARTMENT逛咗一陣小店就慢慢散步返酒店。
胡志明市的地鐵站，因為GRAB實在又便宜又方便，所以今次我地無機會試下坐地鐵。
一場來到胡志明市，點可以唔同胡志明的雕像影返張相？逸逸仲順便參觀了旁邊REX酒店的洗手間。
經過胡志明市博物館，戶外展區有好多飛機同埋坦克。
繼續行行行，對於我同阿妹嚟講好多地方都係可步行距離，但係原來對於小朋友嚟講其實唔係，1.3公里其實好短，但天氣熱又已經玩咗成朝原來係行得有啲辛苦……
全部都係賣竹製品的小販，好有特色。
返酒店拎返行李就搭車去頭頓，胡志明市去頭頓車程大約兩個半小時，大約坐了一個小時剛剛經過繳費站我們的車就被警察截停了。等了又等都唔知發生咩事，司機都落埋車，只是間中回來拿文件，警察又突然上車影我哋相，但可能因為言語不通又笑笑口對住我哋扮友善。司機不太懂英語，向包車公司查詢就話只是例行檢查，又話就算再派另一架車過來也是要檢查，明明其他被截停的車好快可以走，我哋架車一定係有問題；同K-Look反映就話同我哋了解下……
後來我哋諗到想話去廁所俾啲壓力警察，點知原來我哋被鎖在車上，不過想去都無用，因為我哋見到警察都係就地解決。雖然無相片記錄，但係曉曉就將當時的情境畫低咗，哈哈~
我哋係車上面玩《誰是卧底》消磨時間，等了一個小時多啲終於可以開車了。
結果去到頭頓我們入住的PREMIER PEARL HOTEL已經天都黑晒。
我哋兵分兩路，媽恆Day帶小朋友先去已預約好的餐廳，我同妹妹和爸爸就先Check in再快步走過去，行過去時竟然有隻蟲撞咗入爸爸隻眼入面，好彩有阿妹係度。
我們預約好的依間Quach’s Seafood Restaurant 係Trip Advisor在頭頓評分最高的海鮮餐廳。
可能這是屬於價錢比較貴的餐廳，主要招呼外國人，所以客人唔多。
開餐喇~
為免傷腦筋，海鮮方面直接點了一個Signature Combo，有龍蝦、蟹、蝦、魷魚、蟶子、魚同埋扇貝，口味都多樣化，只係後來對返menu，點解無咗鮑魚既？另外又點了焗生蠔，都好好味。
另外，依餐試咗樣新食物，就係炒小南瓜，成個綠色的葫蘆咁，不過確實係南瓜味，好有趣。
食海鮮配西貢啤酒~
慢慢散步回程，旗陣後面就係海喇~
就係過依條馬路令我產生夜晚過馬路最好著反光衣依個諗法。
我們的房間
可以望到海架~