妹妹陪爸爸去醫院期間，大家係酒店LOBBY玩下GAME影下相。
玩極都唔厭的坐著踢足球
話晒學過UKULELE，拎起個結他似模似樣。
我都有一齊玩飛標
影下相先
今次LOBBY有免費小食
已經唔記得係咩小食，淨係記得好香椰奶味，問其他人都無用，因為得我一個食咗咋。
可以上房了，今次我地住雲來客棧，舖TATAMI瞓~
大家係房玩住遊戲等爸爸和妹妹回來。
爸爸回來了，在醫院洗了傷口敷了藥，留在房間休息，我們其他人就出發去浸溫泉。
我成日話逸逸同我地去浸溫泉無耐性，原來邱氏姊妹比逸逸更無耐性，所以我地好忙碌咁轉場，個個池都浸下。
浸溫泉實在太舒服喇~不過依個嘆樣都維持唔到幾耐就要走~
終於有一個可以逗留得比較耐的景點：瀑布泉﹗逸逸帶頭衝入瀑布淋凍水，小朋友既興奮又緊張，玩到V嘩鬼叫，不亦樂乎。我都鼓勵阿妹點都要試一次，於是兩姊妹一齊衝入去，最後連媽媽都忍唔住體驗一下﹗
每次轉場就要飲嘢
一向都有涼茶供應，依加用埋瓦煲增強氣氛。
最後留得最耐的地方是泳池，不過水太凍，我只係坐係池邊睇佢地玩。
小朋友有得玩就完全唔怕凍
我去咗食甜品
返去沖完涼就出發去廟會大餐食晚餐了。
早前提過因為爸爸受傷酒店安排了職員領我們免排隊入場，我們一落到LOBBY職員就迎上來了。
在LOBBY貼好印水紙就直接入場，並領我們到VIP用餐區，酒店預留了一張枱給我們。不過廟會大餐就是要邊走邊吃，而且地方太大每次要回來VIP用餐區也太花時間，所以最後我們也沒有再回去。
除了固定攤檔，還有推車的飲品，今次係賀鎮長又娶新姨太請大家飲嘢，多謝晒喎~
大家的最愛：焗蠔。
北京烤鴨的故事：話說我去領北京烤鴨的時候，特地要求一份只包青瓜大蔥同埋醬俾逸逸，職員話逸逸唔食肉唔怪之得咁瘦，然後不斷大讚鴨肉有幾好食鼓勵她試下，最終逸逸食咗一件完整的北京烤鴨，HURRAY!!!
原來一行九人要同步在大餐廟會搵食係好困難的一件事，因為地方太大，食物種類太多，在不同的集合基地大家想吃的東西不一樣，吃的速度也不一樣，有時又會越行越遠，所以我們時而分散，時而聚在一起，吃得比較自由。
我其實食咗好多嘢，不過因為今次有大量係其他人個碟拎一件嚟食的情況，所以好多都無影相。
但是可憐的爸爸因為個嘴腫咗，牙肉仲有流血，只能夠食不太熱以及柔軟的食物，他痊癒之後要請他去吃大餐補償一下。
今次我地又去睇皮影戲，仲去後台偷望，原來兩個人四隻手就已經可以操控整個畫面。
除咗皮影戲之外，今次仲有舞獅睇。
我地去咗整PANCAKE畫，逸逸好隨興無乜IDEA亦對出品無乜要求，媽媽就對於這個創作非常苦惱，亦對於自己的作品唔多滿意。
媽媽用遊戲券換麥芽糖
依家原來仲可以用遊戲券睇相同埋剪影，御溫泉真係成日都有新嘢~
我地都係比較鍾意用嚟玩遊戲
大家都努力去嬴更多的遊戲券
今次第一次上去禮品中心換禮物，媽媽帶埋上次用剩的遊戲券來，三個小女孩滿載而歸。
跟住我地去放煙花，今次小朋友除了要戴手套之外，仲要戴埋眼罩。
開頭點火都戰戰兢兢，習慣咗就EASY JOB。
大家一齊放煙花好開心呀~
來一場魔法大戰
我地只係玩滴滴金，但係都可以欣賞其他人的煙花，好靚。
送咗佢地返房之後我走返去溫泉個邊按摩，好舒服呀~