整完包就我地就飛奔去沙灘游水。
逸逸最鍾意就係玩水
一玩水就瘋狂
我地又見到有直升機了
今次真係好近呀~
恆仔繼續唔落水，逸逸上沙灘玩咗陣沙陪爸爸。
之後就落水玩多陣先返酒店沖涼
今晚我哋係依間La Eat Singapore Bistro食恆仔的Birthday Dinner
依一間餐廳食物好有水準，海南雞飯雞滑飯香，比我平日覺得都唔錯的黃金海岸酒店沙嗲軒有過之而無不及。
沙嗲豬肉串燒個汁非常惹味，又係好正﹗
烤牛板腱配自掣參巴馬拉盞及羅馬生菜都好好食，建議食法係好似韓式包肉咁食，但係略嫌遮蓋咗濃郁的牛味，分開食仲正！
本來打算為逸逸點意粉，點知今晚無意粉供應，唯有點個烤餅，烤餅烤得有點燶，好彩逸逸都ok。
食完晚餐就去允升甜品食糖水
壽星仔想食豆腐花可惜今晚無得賣
芒果西米露都好食既~
住長洲一定要食宵夜，星期六晚比昨晚更加熱鬧，攤檔擺位都唔同晒。
好耐無食過碗仔翅同生菜魚肉喇，再加多串腸仔同燒賣，就係今晚的宵夜。
本來諗住買蛋糕，壽星仔話食平安包就得喎！咁蛋糕後補喇！中式包真係要熱食，到咗晚上凍咗食個包有啲硬，點都好，恆仔生日快樂﹗