大約正午12點來到鳥栖。
經過見到有超級市場，即刻停車入去逛下。
原來舖頭1pm就會提早關門
超級市場基本上都無乜人
刺身壽司熟食全部半價促銷，我哋買咗大量特價刺身壽司做晚餐。
提子都係半價，唔係唔買呀？
逛完超市去隔離逛100円店，我哋擔遮過去，反咗幾次遮，逸逸好興奮話原來唔係淨係小朋友會反遮，原來大人都會。
行到1pm俾職員請我們離開，原來佢哋都係早收。
再隔離的藥妝店就繼續營業，我地就係喺度買喉糖都要俾藥劑師問問題，藥劑師同店員英文都唔掂，好彩搵到張英文貓紙我地先成功買到喉糖。
/
逸逸話想食拉麵，即管根據Google Map導航去最近一家拉麵店碰碰運氣，剛剛趕及2pm Last Order。
有的食拉麵好開心
逸逸的鹽湯拉麵，恆仔的黑醬油拉麵以及我的紅味噌拉麵，加上美味的炒飯、餃子和溫泉蛋。
3pm開始可以check in，2:30pm來到酒店lobby已經坐滿了人，因為打風大家都無地方可以去。
好彩有位坐有welcome drink，大家都安靜的等待。
上咗房就可以瞓晏覺，逸逸好高興可以瞓上格床。
望出窗外看似風平浪靜
但依個颱風十號攪到成個日本的交通都亂槽槽
大家悠閒咁瞓返個晏覺，瞓醒覺又飲下嘢。
終於可以專心咁睇下日本的綜藝節目，好好睇。
唔計兩隻今朝一早係便利店買的糖心蛋，依枱壽司刺身都只係1916円，入面仲要有海膽，抵呀﹗
逸逸最緊要有冷烏冬
美味糖心蛋
成咗咁多生冷野，我同逸逸都飲返碗麵豉湯暖下胃，我個碗好多蔬菜，好甜。
依盒香印青提只係490円咋，正﹗
朝早係便利店入貨的杯麵無用武之地，最後要帶晒佢地返香港。
麵包就勉強食埋佢﹗
今晚個風最近佐賀，反而又唔似昨晚係嬉野溫泉咁聽到呼呼聲，可能依啲就係和式建築物和現代建築物的分別。