二零二六年一月四日(星期日)
今天早上，大家說好了各自吃早餐，再約好了10AM一起去浸溫泉。
我們8:30AM就出門吃早餐，今次部LIFT的裝飾是廁所，逸逸扮係度扮大事。我地去到餐廳見到爸爸媽媽已經食緊，食咗一陣之後就到阿妹一家到場了。
每次嚟御溫泉都要重覆又重覆咁講：千色早餐必食是腸粉同埋淥菜﹗
今次都試咗新嘢，就係即煮豆漿。豆漿可以選擇加雞蛋、白果、腐皮同埋雪耳，雞蛋仲有分一般雞蛋同埋烏雞蛋添﹗我就揀咗加雞蛋同埋腐皮來煮豆漿，加埋糖飲落成碗腐竹雞蛋糖水咁，好好味。
食完早餐未夠鐘，我地又去玩咗一陣坐著踢足球。
換好衫準備出發去浸溫泉喇~
點解今朝浸溫泉係全女班？因為爸爸受傷覺得都選擇留係房間休息，DAY又話昨晚瞓得唔好多休息一會兒，而恆仔就因為我地間房個馬筒塞咗，要等職員來處理。
未濕身之前先去波波池玩一陣先
浸下唔同的池
小朋友怕熱，浸一陣就去淋下凍水。
最爽都係淋冰水瀑布
今日我地係地熱板瞓咗好耐，超舒服~
點解可以瞓咁耐？因為阿DAY嚟到就幫手睇住個小朋友係泳池游水囉~佢地三個話昨日玩唔到鱷魚浮床好唔開心，今日一定要玩返夠本。
我地去咗小食坊食午餐，一人點了一碗麵，我叫咗酸辣粉，好辣不過預咗﹗無諗過逸逸叫的紅燒牛肉麵也辣，她也好乖盡力食。
好彩我地仲叫咗菜同小食，起碼食餃子都食得飽。
臨上車都去拎返杯爆谷食下。
搭接駁車返到港珠澳大橋珠海公路口岸，之後再搭金巴返香港，兩日一夜一家九口遊御溫泉不太完滿地結束，今次爸爸發生意外無得食又無得玩，下次再同他再去玩過。