二零二五年一月三十一日(星期五)
位於主教山的前深水埗配水庫在2021年6月成為一級歷史建築後，僅有限度開放予市民參觀，必須參觀由水務署舉辦的導賞團，但係名額永遠一開放就額滿，留意了幾次都失望而回。由2024年8月1日開始，市民毋須預約就可以到現場排隊參觀，不過輪候的市民眾多，大家都話要排好耐隊，所以一直都無行動。直至屯門牛體育會組團去參觀，梗係即刻一家三口齊齊出動喇~
主教山原來唔係正名，只係以前有個教會係度，當時的人每逢紅鬚綠眼著白袍的人經過都叫主教，所以叫依度做主教山。
登上主教山要行三百幾級樓梯，沿路有六張乒乓波枱，我哋笑說好似武俠小說咁要一層一層打上去咁。
一早同逸逸講定要行好多級樓梯，行到上去話：「乜咁快就到？」
雖然現在已經開放予公眾參觀，但有得揀一定要參加導賞團，除了有專人講解之外，仲有VIP待遇，就係唔駛排隊，我哋走的時候聽說要排超過一小時。
人數上限100人，我地團都三十幾人了。
要自備耳筒聽講解，逸逸的Hello Kitty耳筒連導賞員都讚夠晒搶眼。
配水庫是密封的，為了讓保養維修人員有足夠光線工作，所以當時設有天窗，不過後來配水庫停用後因安全原故用石屎封了。
2020年底水務處開始清拆「水缸」，頂部被鑿開後才發現入面係一個有歷史價值的建築物。
前深水埗配水庫是香港第一個以圓形築成的地下配水庫，原牆身沒有鋼筋，是以重力形式靠混凝土自身重量抵擋水壓。由混凝土的地基、108條由花崗石粗琢的支柱、紅磚的半圓拱券、五邊形花崗岩墊石、混凝土的天花所組成。
依度令我諗起土耳其的地下儲水道
後面的是落水口，逸逸坐住的是出水口。
喉管是1909年的德國製喉管
兩父女研究不平的地面
維修人員的出入維修口
多謝屯門牛體育會會長出心出力搞依個活動
仲有小小紀念品帶返屋企添~
一場來到深水埗，梗係要飲下傳統涼茶。
仲要去下文記車仔麵
已經係下午茶時間，終於唔駛排隊等位。
我食咗蘿蔔花膠墨魚餃粗麵，飲咗冰凍蔗汁，再加煎釀三寶一齊SHARE，味道係唔錯，但要排長龍就唔好攪我了。