二零二六年四月五日(星期日)
今天出發去我們的復活節旅行了。
我們7:30AM由家中出發搭UBER去機場。
大約8AM到達機場，一早已經做好網上CHECK IN，不過原來長榮航空無得做自助PRINT登機証和行李TAG，所以都係要排咗一陣隊。
搞掂之後就落去入境大堂睇下隻大貓先。依隻貓叫做「旅途上的「喵」」，同我地KIKI好似樣，一樣咁可愛。其實旁邊設互動屏幕，旅客可觸控餵貓吃罐頭，與巨型貓咪互動，可惜我們時間太早，仲未開放，不過隻貓都間唔中有少少郁動架~
機場無咗翠華，我地索性係入境大堂的阿鴻小吃食早餐。我梗係試下佢獨有的鴨肉鴨紅粥配油炸鬼，逸逸食雪菜肉絲通粉，佢話學校的雪菜肉絲好食啲，唔知廚師聽到有咩感想？
逸逸同KIKI變咗扭蛋
去旅行經典必影打咭相
小朋友有玩具送
上次聽同事推介《長安的荔枝》，去程睇唔晒，回程時先睇埋佢。
飛機餐是雞肉飯，本身飛台北機程好短，加上今日有啲氣流，結果派完餐逸逸仲食緊機場已經宣佈緊台北的天氣了。
我地到台北喇~見唔見到外面有架HELLO KITTY飛機呀？
今次我地住台北車站附近，過好關拎埋行李就直接坐桃園機場捷運去台北車站。
話說我地用信用咭入閘，原來出閘位第一個閘機接受信用咭架咋，似乎仲未係好普及。仲要好搞笑係我出閘先，因為閘機開咗我以為順利出咗閘，恆仔同逸逸出唔到閘先知原來我仲未過機，結果又要去櫃枱排隊處理。
台北車站 — 依家作為POKEMON GO玩者的意義就係最易開到團的”北車”﹗
我們今次住在清翼居采風館，是位於南陽街的一幢舊樓上面，位置超級方便，LOBBY位於5樓，大廈共用的升降機沒有感覺很老舊，而且好乾淨。
逸逸話間房仲細過屋企﹗有乜所謂？台北唔係嘆酒店的地方，最緊要又平地點又方便。
雖然房間好細，但係設計都幾靚~
而且還好有心思的在房間資訊上面介紹創作者的資料和刢作意念。
原本是打算坐的士去林東芳牛肉麵食午餐，不過現在已經2:30PM，還是到樓下隨便找家店就算。
我們揀了這家老虎醬溫州大餛飩
貪心的我揀了四款小菜，每一款的味道都恰到好處，不會太重口味，讚﹗
我吃了蝦肉大餛飩，好味~
這兒的餛飩很大夥，店員就在旁邊的桌子上面包餛飩，她們包餛飩的方法跟我們平日的認知很不同，餡料好像塗麵包似的舖在大大張的餛飩皮上，對摺掐埋就成了。