二零二四年八月三十日(星期五)
今早起床，颱風十號仍然在我們的附近，昨晚睇電視見到今日成個九州都仲係處於戒備狀態，好多福岡的商場都仲係停業，所以今日原訂所有的行程都只有取消。
根據風暴消息，颱風現在正正位於別府上方，風呀風，行快啲喇~
外面看起來很安靜，我們駕車出去吃早餐。
今朝看GOOGLE MAP資料顯示麥當勞有營業，本來打算去麥當勞食早餐，點知無開門，所以雖然日本好多店舖都有在GOOGLE即時更新營業安排都唔可以盡信。
最後決定去鳥栖站旁邊的商場Frespo鳥栖碰碰運氣。
這兒一大朝早也沒有太多店開門營業，我們在名菓ひよこ買小點心做早餐。（後來才知道這是手信名店）
依度有單件裝的手信賣，105円一件，如果其他手信店都好似依度咁就好了。
隔離又有間咖啡店可以買杯咖啡
兩父女就係汽水機買飲品
逸逸食小雞蛋糕
我食個件入面係柑橘CREAM
唔係好夠飽又買多件食下，樣樣都好好味，有得樣樣試少少真係德政﹗
食飽飽就開始逛下街，因為無乜舖頭開，見有嘢睇的都入去逛下，例如唔會關門的扭蛋舖。
好有型的日本戰國武將德川家康、織田信長以及豊臣秀吉。今次TRIP我地同豊臣秀吉比較FRIEND，因為第一晚來到唐津就去過豐臣秀吉為了設藩而興建的唐津城。
COLEMAN露營用品正呀~
不過逸逸揀咗扭小魔女DO RE MI
我哋竟然係依度見到搖曳露營Tee，立即入手，後來仲係依間舖頭買咗好多衫。
去書局又見到搖曳露營雜誌，真係好想去露營。
另一間已經營業的舖頭係Daiso
終於可以買咗Outdoor Coffee Maker露營用
可以逐支顏色筆買又幾好喎~
網上資訊顯示鳥栖Premium Outlet正午12點開始營業，所以下午就轉場了。
我哋係Food Court食午餐
一入FOOD COURT這家店的職員就請我地食蘋果小點心
因為昨晚睇咗電視節目講炸雞都想食，最後無食炸雞飯都買咗五件炸雞。
炸雞好味
我揀咗生パスタ專門店食忌廉明太子意粉，好味道。
食飽飯又係度繼續買買買⋯⋯
天氣好唔穩定，大部分時候微微雨，但係突然間會超大雨，突然又會出太陽，唯一無變的係超級大風。
超美味的巨峰提子汁和西瓜汁
我哋行outlet時講好邊個都可以提出想入任何一間舖頭，逸逸都用咗好多依個權利入去逛一些無嘢啱佢的舖頭，所以只有Lego Store先至係唯一一間行極都唔願走的店。
朝去麥當勞時見到隔離有間Shabu Shabu，今晚心思思想去食，去到原來要等位，都等咗半個鐘先有得食，因為唔特別鍾意食牛舌，所以揀咗第二貴的逸品國產牛course。限時100分鐘，有個鐘由90分鐘開始倒數住時間，倒數完畢唔可以再落單，但可以坐多10分鐘。
等位期間無聊抽下萬樂珠
200円抽到5款成績都唔錯
樣樣肉都好好食，而且上菜速度非常之快。
蔬菜都非常新鮮
豆腐特別好味
除了打邊爐仲可以食壽司
咖哩飯都好食
依度係由機械人送餐同埋收盤子架
依度仲有個好正的甜品BAR
店家教大家點樣用甜品吧和飲品吧的食材Mix and Match
逸逸整緊士多啤梨布甸
Yum Yum
我就整咗格仔餅軟雪糕
第一次安排全日Shopping的行程，第一次行Outlet行得咁透徹，因為打風的餘韻，除咗Shopping都無乜地方好去同敢去，不過另一個講法係好彩仲可以Shopping﹗