二零二五年十二月二十七日(星期六)
今天是LEGOLAND一日遊﹗
劍俠逸衫都未換就已經拎定武器
酒店PACKAGE包早餐，我地去返昨晚食BUFFET的餐廳，早上人多要排隊。
早餐食物的選擇也很多
開心食早餐
今天早餐的HIGHLIGHT是左上角的印度蒸米粉(PUTU MAYAM)，上面加了香料和椰絲，令我諗起在斯里蘭卡吃過的STRING HOPPER，不過STRING HOPPER是配咖哩吃的，配椰絲香料吃的是ROTTI。
食完早餐要在LOBBY玩一陣大LEGO
好多人已經係門口等LEGOLAND開門喇~
逸逸忙住係房入面屠蟲
出發喇~酒店有特別通道前往園區，一出LIFT對面就係。
對上一次來的時候是2013年，今次再來感覺上地方大咗設施亦多咗，可能因為正值聖誕假期，人都非常之多。
聖誕老人係門口迎接我地
好靚的彩色象LEGO
我本來淨係叫恆仔過去影，逸逸又唔執輸要一齊影，哈哈~
兩個戴帽的公主
第一個玩的RIDE是The GREAT LEGO RACE，依個GAME相信係以前的PROJECT X改裝的。
排咗一個鐘先玩到
坐住過山車玩VR進入Lego世界，逸逸話俾我哋知內容竟然同去年聖誕節香港Lego Discovery Centre坐住隻蛋玩的一樣，當時只有逸逸玩過，佢話坐住過山車玩刺激好多，我都覺得依個RIDE好過癮，係今日的NUMBER ONE﹗
同潛水員影相
下一站係上次都有玩過的WAVE RACERS，先在外圍用水炮攻擊，再入去做受刑嗰個，逸逸無論係邊個位置都玩到V嘩鬼叫。
依度有兩條過山車，一個係小龍DRAGON’S APPRENTICE以及大龍THE DRAGON，當年我地兩條都有玩過。
首先我地去玩小龍，都幾多人排隊。
本來過山車控逸逸玩完小龍就想去玩大龍，但因為行雷的關係所有高空過山車都要暫停，無得玩大龍，咁我地去食午餐先喇~
我地食咗KING’S GRILL，點咗烤雞同埋牛扒，仲有逸逸的NUGGETS。
食完午餐都無落雨，但係大龍都仲未開返，無辦法喇~起碼藉得慶幸的是無好似早一日咁落傾盆大雨咩都玩唔到。
逸逸去咗玩ROYAL JOUST，依個騎馬RIDE我當年都覺得好吸引，不過係FOR CHILDREN ONLY。因為排隊的人唔多，逸逸玩完立即要Encore嚟多次；玩完第二次就排咗好多人，逸逸亦識相無話要玩第三次。
她真的長大了知分寸，因為她是那種只要覺得好玩同一個遊戲連續玩十次也可以繼續的人來的。
逸逸玩緊騎馬的時候，我地去咗附近影相。
我地又去咗玩MELIN’S CHALLENGE，類似迪士尼的彈弓狗，都幾好玩既。