我們又是分乘兩部GRAB出市區。
我們在西貢聖母院大教堂對面下車。
這時正下著傾盆大雨，等齊人我們就先到對面的天主教書局參觀一下順便避雨。
書店入面好大，隨了圖書之外，仲有各式聖像、聖物。
連神父的祭衣都有
第一次見到神父版的「非禮勿視、非禮勿聽、非禮勿言、非禮勿動」公仔
依度又見到禧年希望的朝聖者LUCE，我地屋企都有一個。
雖然只係外面參觀，都叫咗去過西貢聖母院大教堂朝聖。
我地行到書店關門先至走，行咗咁耐都叫做有幫襯，我地係度買咗耶穌吊飾公仔。
西貢聖母院大教堂正在維修，睇唔到宏偉的外觀；亦因為已過了開放時間，未能入內參觀。
西貢聖母院大教堂旁邊就是西貢中央郵政局。
西貢中央郵政局是法國殖民時期的第一座郵政局，由法國於1886年至1891年間興建，至1892年正式啟用，至今已有超過一百年歷史。
這兒不單是歷史建築以及旅遊景點，更是一家仍然運作中的郵局。
我地都買咗明信片
明信片上面印有越南各式醬料
我地寄明信片俾自己，最後大約兩星期就收到了。
寄完明信片出到來已經停咗雨，實在太好了。
西貢聖母院大教堂的側邊
今晚我地要去睇水上木偶劇，慢慢行路過去會場。
美美的壁畫
我覺得一場來到越南點都叫做睇下傳統的表演，越南水上木偶是國家級非物質文化遺產，有一千年的歷史，而金龍水上木偶就是其中一個著名的表演單位。
妹妹一早已在KLOOK買好門票，來到只是去票務處換飛就可以了。
我地坐到靚位
水上木偶劇由十多個短故事組成
表演方式是在水池上搭起舞台，由隱藏在後台的演員用長線或竹竿操縱木偶，使之演出各式各樣的動作及戲份。
無諗過水上木偶比我想像中更加精彩，動作活潑生動，又有故事性，音樂又好聽。
睇到大人小朋友都笑咪咪
幕後功臣謝幕
睇完SHOW就隨便在附近走走找地方吃晚餐
我地俾個”STEAK”字吸引咗入去
原來依家係一間無冷氣的平民大排檔式西餐廳
鐵板是貨真價實
牛扒也很講究，可以選擇不同部份，當然價錢也不一樣，再配沙律、醃菜以及熱辣辣又軟熟的短棍法包。
另外亦點了PASTA
以及三文魚
無諗過誤打誤撞之下食咗充滿驚喜的一頓晩餐呢﹗