二零二五年四月五日(星期六)
我同逸逸再次組成Hondora Q參加5K越野跑 — Bossini.X IT’S TIME TO RUN 跑久越野跑2025。
又係城門水塘出發，多謝恆仔做司機接送。
不過今次同上次Salomon 4K親子熊貓跑的路線唔同，今次路線雖然長少少，但係攀升少一半。
今次我地有埋Team衫，好有Team Spirit。
仲有印水紙
同埋扣咗係背囊的襟章，由設計到製作，全部都係恆仔一手包辦。
參賽名單
搵到我地個名
上次一起步就叫我開糖，今次起步前開咗先﹗
起步
第一次落雨跑山
第一次用跑山背囊，雖然只係放到水同埋糖，但對於小朋友來說已經很足夠。
頂帽太濕唔肯再戴，我頂帽無依個問題，要幫逸逸升級下裝備先。
今次路線主要係沿住水塘跑
因為今次只係簡單的5K，我無DOWNLOAD定GPX，結果參加山賽第一次行錯路，最後5K變咗8K，亦多咗好多攀升，我安慰逸逸可以睇到咁靚的風景都唔錯。
好彩我帶定足夠的糖果做Candy Boost，好彩逸逸叻叻無投訴無怨言乖乖繼續，因為我地真係見到有小朋友因為咁發脾氣。逸逸只係擔心未能在限時前完賽，我唯有鼓勵佢一定趕得切。
終於望到終點喇
上面個圈係跑多咗嘅路，我地都係跟住前面跑，唔知係由邊個開始出錯。
逸逸話跑完就可以食好嘢，然後一邊擰下擰下話：It’s Party Time！
有熱辣辣的紅豆沙、綠豆沙同埋豆腐花，喺依啲涼涼地又濕漉漉的天氣食好正，另外我地仲食咗卷蛋，凍冰冰就唔想食西瓜了。
大人有啤酒
小朋友有麥精
靚靚獎牌
仲有比賽靚相