飯後就再坐兩小時車去到美拖市(My Tho)搭船參加湄公河三角洲之旅。
我們首先坐船遊湄公河
因為係包團，所以亦同時係包船。
好涼爽呀
我們來到蘇翰島(CU LAO THOI SON)。
一落船就先坐下來飲甘桔蜂蜜茶，同埋食香蕉乾和薑糖，除了甘桔之外全部都即場有得賣，旁邊就是養蜂場，周圍都有蜜蜂飛來飛去。
香蕉乾同薑糖都幾好食，我地都有幫襯下。
甘桔蜂蜜茶就比較酸
公雞就在我們身旁走來走去
飲完嘢就跟住導遊向前行，導遊經過一間屋的時候，一手就捧起籠中的大蛇，仲問我地有無人想抱住影相。
有抱蛇仔經驗的逸逸見到依條大蛇都唔敢抱，摸下好喇～
之後我們分乘兩架電瓶車遊小村落
仲經過咗個市場添！
落車之後又跟進導遊向前行
跟住又坐低飲茶食水果
水果好好味，不過真係好飽，但係我地都有努力食。
原來今次就係聽越南南部的民歌
每首歌都好短，然後每個歌手都只係唱一首歌，有啲唱得比較落力，有啲感覺好hea趕收工，最後個首歌爸爸媽媽都識唱。
完場放低TIPS BOX，大家識做喇~
聽完歌又跟進導遊向前行
今次係乘坐小船穿梭於水椰子樹環繞的狹窄運河
每隻小船一前一後兩個船夫
這個就是水椰子
船家提供各種道具給我們拍照，最後當然是問我們要TIPS。我手頭上只有一個大約值HK$2的越南盾，船家嫌少，但下一張最細面額的紙幣已經是US$10，最後俾咗做貼士，但其實有點心有不甘。後來妹妹說她給了HK$20港紙，係喎，我當時又無諗過添﹗
整體節目好豐富，不過感受麻麻地，購物點沒關係，因為係自由意願，但體驗項目每一個點都在問你要小費就很煩厭。其實參加得TOUR，我情願你在我報名時一次過收錢幫我處理好……
落船之後又返去我們第一隻上的船，導遊給我們每人一個椰青，雖然一直都飲飲食食，但坐住船飲椰青真係幾爽。
最後一站係椰子糖工坊
當地婦女在現場製作椰子糖
導遊先向我們介紹椰子糖的製作工序，又給我們安排試吃，我都買咗幾包做手信。
至於蛇酒我地就無人敢試了。
返到上岸有啲頭痛，買返杯咖啡飲下先上車，我地要坐返兩個鐘車返胡志明市。
上車前導遊話司機有驚喜給我們，原來係冰凍的啤酒汽水，多謝﹗
我地都好滿意導遊和司機的服務，所以最後都有給他們額外的貼士答謝。