二零二六年七月一日(星期三)
昨晚也睡得不錯，但逸逸就睡得好差，因為我教她為保持衛生要用被單隔開冷氣被，結果她整晚就擔心如果自己不小心碰到冷氣被怎麼辦，真的好可愛。
今天早上在營舍的飯堂吃早餐，逸逸好滿意有燒賣同烚蛋，可惜個火腿米粉好淡好難食。這兒的早餐沒有飲品供應，不過無論有無飲品我都要去買咖啡的。
食完早餐大合照
這幾天天氣都不太穩定，食完早餐見到無落雨就快啲去游水先﹗
我地兩母女先到，落水玩住等。恆仔唔落水亦都無換衫，但職員堅持要他穿過淋身的花灑，結果他唯有撐傘走過去。
我地玩咗馬騮搶球，又玩咗游水比賽，曉曉經過校隊的訓練依家游水真係好快。
沖完涼就匹克球初體驗，因為個波輕身好多所以比網球容易打，又有”卜卜”聲好有滿足感，難怪依家匹克球咁受大眾歡迎。
恆仔就去咗籃球場打咗陣籃球，但係借返嚟個波係唔夠氣的。
小朋友玩咗兩下匹克球就頂唔順酷熱的天氣，由曉曉帶領下三個小朋友自己去咗室內打乒乓球。
玩到差不多退房前最後一刻先返房沖身換衫出CAMP。
我地搭咗小巴出西貢食午餐，無乜頭緒食乜就去返火山探知館旁邊的餐廳，四年前我們在同一個位置加埋爸爸媽媽一齊食過午餐，不過依家餐廳已經轉咗名了，依家間餐廳叫做L’ASGARD。
同營地的食物相比，依度真係人間美食，妹妹決定唔訂營地午餐絕對係明智的選擇。