二零二五年四月二十六日(星期六)
來到旅程的最後一天，返到嚟高雄的康橋商旅，又可以食到豐富又美味的早餐。
今日的重點係不能錯過的蕃薯粥，恆仔推介的熱豆漿(後來他回香港還特地買了即沖豆漿回家飲)、餐廳推介的大蒜抹醬多士以及唔知點解要係早餐食的紅豆豆腐花。
本來好有野心咁打算去高雄流行音樂中心，但係昨日舟車勞頓太疲累，唔想早起。昨晚睇綜藝節目介紹台式糖水，諗起今次嚟台灣未食我最鍾意的花生湯，就決定今日的行程係去食花生湯，同埋去逸逸好想逛逛的高雄車站動漫街。
住在高雄車站對面的我們當然由高雄車站出發
高雄車站動漫街原來太早未開門營業，於是我地又上返地面，逸逸學我要鍛練腳骨力唔坐扶手梯而行樓梯，後來演變成同搭扶手電梯的爸爸比賽。
我地由高雄車站行過去三民街食花生湯，其實唔遠，全程只是1.2公里，不過是有點曬同非常熱，一邊行一邊逛逛街非常不錯。
好可愛的家常飯朴老師，見到好想食下，不過我們的現金只夠食花生湯，所以恆仔叫我唔好諗。
好古老的美術用品店
設於一個舖位內的武帝殿
全部都係電單車
這家春霞正港古早味粉圓冰門外有長長的排隊人龍，看來是人氣店，但係佢無花生湯賣，不合我的心意。
邊行邊看GOOGLE MAP，發現這兒有一家拜哪叱的三鳳宮，即管繞一點路去參觀一下。
無諗過廟宇都放卡通版Figure出嚟
仲要有兩款添
掛上一排紅燈籠好有氣氛
終於來到三民街，上網鎖定這兒有兩家店賣花生湯，分別是老周以及澎湖陳。
原來老周冬天才賣花生湯
所以最後光顧了澎湖陳。
兩父女食刨冰，他們對食物有點揀擇，所以不可以貪方便揀雜錦刨冰，我幫他們選了紅豆、綠豆、鳳梨、珍珠和愛玉。
澎湖陳在夏天同時兼賣雪凍了的花生湯，這樣才是做生意。
店家問我要冰的還是熱的，我衝口而出的答要冰的，不過立即也多口問一句冰是怎麼樣，因為我擔心是花生湯淋在刨冰上面，幸好是從雪櫃拿出來，完全符合我的Expectation。
好澎湃的「五寶」冰！要食啲冰先開始食到配料。
逸逸話食到個人好冰涼，仲變咗企鵝添！
食完冰就慢慢行返高雄車站，途經三鳯宮文化大樓。
好厲害的刺繡
回到高雄車站的動漫街
嘩﹗係美少女戰士﹗
逸逸好鍾意扭蛋
遇上嘉菲貓Pop up Store
好鍾意依張相
當然不少得大量POKEMON
可愛的忍者亂太郎
妹妹的FAVOURITE薩爾達傳說
成個高雄車站真係靠個動漫街撐住，再入少少就真係十室九空，非常蕭條。
返酒店拎返行李就搭地鐵去機場了。
因為我地現金不足，最穩陣就係嚟到機場食午餐，保証可以用信用咭。
高雄國際機場祝你旅途愉快
今次嚟高雄影咗港都柑仔店，同年11月再來的時候原來都有影，但完全唔記得自己當時影過。
幾有動感
高雄再見
我地搭飛機返香港喇~