二零二五年五月四日(星期日)
今日來到迷你四徑的最後一站：衛奕信徑。
起點是大埔頭遊樂場，今早都係幾個屯門牛約埋一齊食早餐再搭UBER嚟。
屯門牛人多勢眾，要SHOW晒三張相先齊人。
又遇到同事VINCENT
今次路線是衛奕信徑第九至十段：大埔→九龍坑山→八仙嶺→新娘潭路，全程17.4公里，攀升1274米，限時6小時。
出發了，起點大塞車。其實次次在起步初段一上山都會塞，不過今次上山位同起點距離特別短，完全少少距離都拉唔開。
大埔的風景
我懷疑我是第一次來八仙嶺郊野公園，講到八仙嶺，只會聯想起1996年的八仙嶺大火。
鶴藪灌溉水塘
天氣咁熱，我食咗大量橙補充水份同埋糖份。
持續攀升，要企埋一邊休息一下
依個位好涼，我係度坐低咗，個人又有啲眼瞓，如果可以係度瞓一覺先再行就好了。
向住八仙嶺方向前進
突然間好大霧
遠眺慈山寺
船灣淡水湖
第一次行八仙嶺，由純陽峰開始，之後係鍾離峰、果老峰、拐李峰、曹舅峰、采和峰、湘子峰，最後係仙姑峰，上山落山八次都幾過癮，每上到一個山嶺都有牌打咭，啱晒我！
突然間有人嗌「屯門牛加油！」嚇了我一跳，原來對方都係屯門牛。
行到大約13K左右覺得肚餓，即管試吓昨日找出來的補充劑，味道好奇怪，點解可以咁難食。佢係液體狀，難得我食完個胃無唔舒服，雙腳好似真係有力咗，唔通我之後要靠佢？
今次係四徑之中花最長時間完成，用咗4小時47分，不過我覺得還是鳳凰徑最難。今日頭段天氣好熱，熱到攀升中途要坐低休息，好彩帶咗結冰寶礦力，冰一冰個人先醒神返；亦好彩後半段天陰甚至落微雨，如果唔係揹住1500ml水都驚唔夠飲。
今日最遺憾係最後大約700米落級時跌倒，左腳扭傷右邊膝頭就擦傷流血，忍住慢慢一步一步咁落山，本來打算去急救站洗下傷口，但急救站好忙，而且佢地好似比我需要急救得多，所以都係返屋企先洗傷口，好彩過咗幾日就已經無乜事。
終於完成四場迷你四徑的比賽，我拎到金人仔喇！
YEAH!
同阿平一齊拎到金人仔，其實仲有Michael同埋阿Jack。
最後同大家一齊坐巴士返落粉嶺，本來我去到粉嶺已經好想跳上UBER返屋企，GOBBY話搭火車去上水再轉小巴都好快，好喇，我先搭咗程火車去水上，不過一出火車站就比的士吸咗上車了，不過咁樣搭點都平過粉嶺上車既。
比賽靚相：
