二零二四年十月五日(星期六)
今天早上我去了參加公司活動MCU + YOU 45KM ISLAND CHALLENGES – 大潭自然段，活動在赤柱完結，我就直接坐巴士過來海洋公園。
今日係公司的包場活動
兩父女未到，我先周圍看看今年的萬聖節鬼屋有咩玩，雖然都唔關我地事，不過望下都幾有趣。
依啲表演後來我地都無睇
係水都餅店飲啡食餅等兩父女
佢地到咗順便係度食埋午餐先出發開始玩
上次想去海洋奇觀時已經太夜無得睇，今次一入場先去睇魚。
今次好好彩遇見魔鬼魚餵食Show
原來飼養員餵食時好似餵羊咁將成件魚放落魔鬼魚個口，餵完仲會摸下佢哋個頭同埋R下佢哋肚腩。
出到嚟剛剛見到完SHOW
可以同海豚樽樽SAY個HI
大熊貓盈盈先後於2024年 8 月 15 日先後平安誕下一對雙胞胎熊貓得得同加加，所以所有熊貓相關的展館全部休館，但有熊貓BB介紹書仔可以睇下。
仲可以免費參加木頭畫工作坊整熊貓相關的作品。
首先聽導師講解點做
逸逸的作品
今年Halloween活動只係玩咗猜包剪揼拎貼紙
好可愛的水瀨
熊貓BB公仔
每次都要去遊樂場玩一陣，然後就去探狐獴。
企直直係山頂的孤獴原來負責站崗
資料都有介紹
我們去到的時候大約5:30pm，當時有一堆狐獴堆係屋企的入口，職員話因為狐獴6pm會回家，生理時鐘話佢哋知差唔多夠鐘返屋企。
唔再係文盲的逸逸好專心咁睇晒狐獴與象龜館入面的所有介紹。
另外例牌要係小紅熊堡壘爬上爬落
因為有COUPON，每次公司包場都要玩下攤位遊戲。今次揀咗拋波波，憑洗乾淨的膠樽送波仔一個，再加上買$50送$20 coupon，花了$50換了15個波。
再次靠恆仔之力贏了大獎，恆仔話下次再去海洋公園好有壓力。
香港老大街
今日見到周身郁的樹懶
玩埋環迴水世界
夜晚坐纜車好清涼
因為要保護隻雞，第一次咁擔心濕身。
終於來到我最期待的節目：韓仔OPPA SHOW
逸逸形容佢哋係嗰班擔心佢哋會凍親嘅叔叔
再次去冰極餐廳吃晚餐
食物都一貫好味道
最正係可以同企鵝互動
下一站係逸逸心繫的極地時速過山車，因為入夜包場先唔駛點排隊，佢已經等咗好耐。
第一次我哋一家三口一齊玩
第二次爸爸同佢玩
最後個兩次自己玩，總共玩咗四次﹗
之後搭返海洋列車回到山下的海濱樂園
入夜越來越多鬼，逸逸第一次遇到有鬼想嚇佢，反應係有啲不滿咁講：佢搞咩呀﹗
HAPPY HALLOWEEN
海洋公園再見