搭UBER返到酒店，我地可以上房了。
我們所住樓層的LOBBY，雖然依間酒店無得浸溫泉，可以係度扮下嘢。
因為早兩晚係台北住的酒店好細，逸一入房門口就講：依間房好大！梗係喇，依度一晚的價錢，台北個間可以住兩晚。
溫完默書先可以再戰遊戲室，我同恆仔留係房休息下，逸逸自己落去玩，到差不多吃晚飯的時間我地先落去遊戲室。
仍然玩到唔捨得走。
玩多一陣足球機就出發喇~
今晚我地去羅東夜市掃街
根據GOOGLE MAP來到羅東夜市，成條街好靜，零售的店好多都沒有開門，賣食物的攤子一眼望過去淨係得依間現炸薯條的「心有所薯」有營業。
可以揀兩種味粉三種沾醬，味粉我地揀咗玉米濃湯同埋海苔粉，沾醬就係口味保守的兩父女要的蕃茄醬和蜂蜜芥茉以及最鍾意試新嘢的我所揀的台中的驕傲，最後台中的驕傲獲勝，印象中係有少少似燒烤醬，大家都讚好惹味。
依度真係羅東夜市，我地無嚟錯地方。
去到街尾見到有名的小春糕渣、卜肉、照燒皮蛋，本來因為唔知係乜無特別好想試，但係既然無嘢食就即管試晒糕渣、卜肉同埋照燒皮蛋。
左邊的是糕渣，就像炸鮮奶不過內餡是肉凍，剛炸好外脆內軟好好味，不過要小心被燙傷口。右邊的是卜肉，其實就是炸肉條，皮脆肉嫰，外面灑上香料，好惹味。
照燒皮蛋就是皮蛋加上醬汁以及大量的蒜頭，又係清爽又惹味的配搭。
同店家阿姨傾開點解今日夜市無嘢食，阿姨話因為剛剛過完連假好多檔主都選擇休息一下，她指示我們去公園的另一邊看看。
逸逸係便利店買波子汽水味雪條
原來另一邊都係羅東夜市的一部分
依邊真係多啲檔口
宜蘭盛產三星蔥，連夾公仔機都可以夾大蔥。
我地幫襯咗依間雞與牛食牛扒雞扒意粉
一盒放牛扒同雞扒
一盒就放煎蛋同意粉
味道一般，不過份量取勝，只係NT$200，食完就我地一家三口都飽飽無力再繼續戰鬥了。
最後飲多杯木瓜牛奶同蜂蜜菊花茶作結。
酒店有FREE MINI-BAR，臨瞓飲返盒台灣特產芭樂汁先。