開始計劃意大利之旅，逸逸就知道今次沒能安排她喜歡的行程包括主題公園和水上樂園之類，她甚至認為每天都是參觀博物館會好悶但沒有辦法，還常常說今次是陪我玩。不過，我點都會安排一些讓她比較感興趣的活動，所以特地上網SEARCH下市中心一帶有什麼公園有兒童遊樂場，最後找到PARC SEMPIONE。
由聖西羅球場出發，首先要搭地鐵到DOMODOSSOLA站，之後可以選擇搭三個站路面電車或者行1.3公里過去都可以。既然在米蘭搭公共交通工具限時內轉乘免費，就算計埋等車時間可能仲耐都即管試下搭路面電車。
雖然轉乘免費，但係上車都要拍咭。
車廂係屬於古典的設計，不過係復古而不是殘舊。
正午頭頂有個大太陽行路都好辛苦，搭路面電車實在是明智的選擇。
我們坐的路面電車
來到PARC SEMPIONE的入口和平之門(ARCO DELLA PACE)
好美的彩虹長椅
PARC SEMPIONE佔地3000萬平方米，由我們進入公園的和平之門走到公園另一端的斯福爾扎古堡噴水池入口也要走15分鐘，但我們的目標只有一個，就是公園的兒童遊樂場。
無諗過PARC SEMPIONE的兒童遊樂場除了我預期中的滑梯鞦韆攀爬架之外，竟然仲有小小機動遊戲。來到的時候正好快要12:30PM，我們也糾結住究竟應該立即玩定等4:00PM下一節再開時先玩。為了安逸逸的心，最後決定點都買咗代幣先，玩唔到就4:00PM再玩。
首先玩駕車
速度都幾快
之後就睇下玩唔玩到小火車，依個時候已經12:30PM。
好好彩依個時間仲有另外一家人玩，所以可以開車了。
火車會繞兩圈，途經不同景點，例如藍精靈村。
又會睇下動物
好似仲有穿過山洞，仲有咩睇你地就自己問下逸逸喇﹗
最重要係依朵古惑的花，會噴到火車乘客濕晒架，不過天氣咁熱唔緊要喇~
好開心咁返到嚟
我地仲係度抽咗K-POP HUNTER的扭蛋，之後就去隔離兒童遊樂場玩。
香港的遊樂場好少有鞦韆，有都好多人排隊玩，難得依度無乜人又有樹蔭可以盡情玩。
玩咗一陣我地就去咗公園入面的小食亭買午餐
麻雀雖小，飲品方面卻五臓俱全，汽水果汁咖啡啤酒連雞尾酒都有。食物方面主要都係食包，我點了蕃茄肉醬包、逸逸就食芝士火腿包，恆仔就揀咗芝士蕃茄辣肉腸包，我仲係度終於飲咗今日的第一杯咖啡 — ESPRESSO。
有無咁肚餓？仲俾緊錢就開始食﹗
辣親嘴﹗係呀~小食店啲包全部都會翻熱，所以好好食。
今次旅行帶咗野餐墊，我地坐係草地享用我們的午餐。
雖然太陽下好熱，但係樹蔭下面好清涼，所以係度食午餐好CHILL。
CHEERS~