二零二六年九月五日(星期六)
趁還是剛剛開學，今日跟公司MCU去了參觀漁排暨珍珠養殖場。
9時在九龍灣集合，再搭車前往黃石碼頭。我都係第一次來黃石碼頭，仲記得去年參加HK Spots 100其中一個打咭點就係黃石碼頭，去開西貢都覺得根本遠到攪唔掂，今次旅遊車直達就唔同晒。
我地係黃石碼頭見到水警輪
我哋要再搭幾分鐘汕舨去魚排
我哋全團分四轉船過去，其中一組竟然遇上海事處查牌。
架船開得好快，逸逸超級興奮。
魚排望出去的風景
我地一家三口都係第一次上魚排，係等齊人之際，我地係魚排周圍影下相。
首先係聽下講解，今日學識咗好多關於珍珠的知識，例如海水珍珠和淡水珍珠的分別，而我們今天採收的是海水珍珠之中的Akoya珍珠，需人工植入圓形貝殼核到馬氏貝中，總共大約需時兩年才可採收，期間每兩星期要幫珍珠貝洗澡，以免被寄生物纏死⋯⋯
大合照
開珍珠位置有限要排隊，我地先去餵下魚，依度提供魚糧餵魚FREE FLOW。
魚群爭食非常激烈，濺起的水花整濕晒我條裙。
珍珠就係養係依啲魚籠入面
每人可以開一隻貝，每隻貝殖入兩粒珍珠核，但養殖期間有機會吐出來，所以都好睇彩數。
恆仔一開就見到珍珠，我同逸逸個隻都無，最後識員俾我地一人開多一隻，最後逸逸開到兩粒珍珠。
我就有一粒珍珠同一粒仲細過鼻屎的天然珠（無珍珠核）
洗乾淨粒珍珠職員就幫我們用機器穿孔
我地再用工具撐大個窿同埋穿繩，珍珠手鏈就大功告成。
逸逸的雙珠手鏈
見唔見到我個粒天然珠
之後係搖櫓體驗，我們學習用櫓來產生推動力划船，無諗過原來可以咁省力。
可以睇下VIDEO我同逸逸點樣做
除了用魚糧餵中魚之外，仲可以用小魚餵大魚。
原來蜜蜂最鍾意在死魚之間飛來飛去，所以逸逸驚到唔敢親手去個盆個度拎魚，唯有我做駁腳喇~
這兒也有攤位售賣各種珍珠相關的產品
試食珍珠貝XO醬，辣辣地幾惹味，我買咗兩樽，仲買咗一包用來煮餸的魷魚乾俾媽咪。
突然間攪手同事同店家商討可唔可以釣魚，於是就排隊，$80/次必有收獲，不過魚穫大小就係靠運氣。
好似好勁咁，其實係職員幫我勾到先俾我親自拉上來。
拉條魚上來時好重
逸逸都感受一下
拍咗段VIDEO同公公婆婆講今晚加餸
即場幫我地劏乾淨條魚先帶走
最後就係龍蝦介紹，點解要咁隆重其事？因為龍蝦原來係幫養珠人做清道夫，晚上會圍住個網爬行食咗（清理）會纏繞珍珠貝的寄生物。
今日的活動實在太有趣了﹗
——————————————————————————————————–
晚餐條魚就係我地的戰利品，逸逸都唔知幾欣賞，猛咁話好味。