二零二六年十月一日(星期四)
難得放假，本來打算讓逸逸睡到自然醒，然後食完早餐就返屋企。
點知8點幾就自動起咗身，早起的鳥兒有蟲吃，她說今早想去游水，咁我地快啲食完早餐就去游多次水喇~
PACKAGE包兩個成人早餐，昨日CHECK IN時已加購一位兒童自助早餐，比今天現場付款較為便宜。黃金海岸酒店的自助早餐選擇都算多，今日值得記下的是負責EGG COUNTER的是一位外國人職員，逸逸唔知奄列的英文是什麼，我話OMELLETE的讀音就是”奄列”，但係佢唔係幾信，即到佢聽到我幫佢點菜的時候佢先驚訝地相信這個事實。
今朝恆仔無落水， 淨係係岸邊幫我地影相。
逸逸叫我拉住佢行，好搞笑。
見唔見到好靚的彩虹？逸逸不斷係度跳彩虹舞。
不停捉我陪佢玩小水桶，我地玩到最後一刻先返房沖涼，CHECK OUT正好是LAST MNINUTE – 11AM﹗