離開Parco Don Giussani之前，我已經上網搜尋一下前往運河區途中有什麼合適吃午餐的店，因為意大利菜強烈的芝士攻勢，來到旅程的第五天已經開始掛念中菜了。
我找到了這家在GOOGLE MAP入面有4.9分的溢香，店家是中國人，店內的客人當然有中國人，不過沒想到更多的反而是外國人。
點了雞肉炒飯、素菜炒麵、餛飩湯以及炒大白菜，食物味味道OK，最正係啖湯，食完餐飯渾身舒暢。
餐廳對出就係是一條河，沿住河邊走前面轉右就係米蘭的運河區，點知我地都未去到威尼斯竟然係度見到貢多拉﹗
原來係拍戲，上網Search下AI話個男人係Angelo Duro喎。
轉個彎就來到米蘭運河區，烈日當空之下無乜人，黃昏至夜晚先係最多人的時間。
我地都熱到就嚟溶，叫做到此一遊喇。
依張相關係住一個有趣的故事，話說成條運河有好多不同款式的橋，我見前面條橋幾靚，叫逸逸企上去幫佢影相，於是佢就跑咗上，點知原來個欄河好高，佢企咗上去係見佢唔到架﹗
我走埋上去睇下佢，最後發現逸逸要要踮高腳尖才影到相。
咁我地用另外一個角度影喇~
之後我地轉咗入民居的街道
好靚的WALL PAINTING
街上有好多可以租用的電動滑板車，恆仔話好想試下。
一場來到時尚之都米蘭，所以我哋都去咗Armani Silo睇靚衫。
今期展覽主題係Giorgio Armani Prive 2005-2025，全部都係Armani最高級別的訂製系列。
一入場逸逸就睇到嘩嘩聲
全部都閃閃發光
唔同展區擺放不同色系的作品，逸逸最鍾意搵她出生的年份。
除了黑白灰，也有色彩色艷的作品。
這是妮哥潔曼在2021年SAG AWARD著過的禮服，上網都搵到她穿這條裙的相片。
依條裙被逸逸選為全場冠軍
仲有配飾
場館播放住Giorgio Armani時裝表演的VIDEO
臨搭地鐵返米蘭中央車站之前，在P.Ta Genova站附近的Gelateria Artigianale Porta Genova食GELATO，今日食野莓味和焦糖味，依個好抵只係EURO$3。
返酒店拎返行李，我地就去米蘭中央車站搭火車去威尼斯的對岸MESTRE。為了保安理由，今次所有帶住行李搭的長途火車全部都買咗BUSINESS CLASS。
其實TRENITALIA的FRECCIAROSSA火車每卡都有一邊設有地下的行李架，但今天是我們第一次乘搭，對此沒有慨念，本來我們打算將行李放在身旁，但因為會阻礙通道車務員要我們將行李放在上面的行李架，沒想過上面的行李架連我們的大行李都放得下，很厲害，只是搬上搬落都要二人合力，而且擔心會受傷，所以後來我都都是放在地下行李架，就算距離遠也照這樣辦。
車程大約2小時15分鐘，當然不要浪費時間要做下暑期功課了。
因為去到VENEZIA MESTRE已經7:30PM，為免去到CHECK OUT後還要張羅晚餐，今晚決定光顧火車的餐車。
我和恆仔食HAM & CHEESE MAXI TOAST，逸逸就食茄汁意粉，其實味道都唔錯的，不過因為我親眼睇住餐車職員翻熱這些預製菜，感覺就差咗少少。
BUSINESS CLASS會提供每人一杯飲品以及一些小食，連酒精飲品都有。
小朋友就提供小餐盒及遊戲咭。
我們入住VENEZIA MESTRE站斜對面的HOTEL PARIS VENEZIA。
為什麼我要選擇住在MESTRE而非直接住在威尼斯主島？最單純的原因就是MESTRE酒店的價格比威尼斯主島便宜得多，而且搭車過去只是多花10-20分鐘，有很高的性價比。
酒店都OK，不過張加牀就好似唔係好穩固，每次轉身都有啲嘈。
我地打算去搵LAUNDRY洗衫，不過行咗幾間都FULL晒而且睇落有排等，最後決定返酒店自己用手洗，其實我地都帶定咗洗衣液洗衫，不過真係咁大個人第一次用手洗咁多嘢咋~