食完豐富的早餐我地就返酒店房休息一下再去浸溫泉。
沿路樣樣都玩下，又消磨一段時間，返到房間換好泳衣就可以出發去浸溫泉。
恆仔聽到我昨晚去咗按摩後大讚好舒服，今早決定去按摩，於是就由我帶住逸逸兩母女去浸溫泉。
第一站就念念不忘的要去玩滑梯。
對於昨天不敢走到冰水瀑布下面一直耿耿於懷
今天終於鼓起勇氣要挑戰了
海獅大俠鍛鍊神功
左腳凍右腳熱
逸逸係度樂此不疲，如果我唔開聲應該可以係同一個地方玩到走，於是我就同逸逸來一個協意，就係輪流決定下個目的地。
近近地我先揀六福湯
中藥材的味道好易令我放鬆
逸逸自己行去拎飲品
又禪修????
跟住好動的逸逸話要去泳池玩，點知遇上清池。
結果去咗玩波波池
我揀的醋池
逸逸又返去鍛鍊神功，依家唔單止唔驚，直頭係興奮呀！
瞓下我哋兩個都有興趣的暖床
跟住就係酒池，逸逸話味道好難聞????
最後返去玩多Round瀑布泉作結
補充下水份，話時話，我同恆仔第一次嚟御溫泉的時候只有依啲保健飲品供應，唔似依家咁多花款。
同恆仔會合之後，一齊食杯雪糕就返房沖涼然後Check Out了。
酒店Check Out時間是1pm，我們預約了2pm去珠海的車，所以仲有啲時間可以玩多一陣，當然就要玩最正的坐喺度踢足球喇。
同埋試吓依間我一直都想試吓的流浪咖啡。
佈置好靚，環境好適合發呆。
我揀咗杯椰水咖啡，好清甜。
逸逸話肚餓，又叫咗一件藍莓芝士蛋糕，味道都唔錯。
夠鐘開車喇，我地下一站去澳門，明明應該要揀去拱北關口落車，唔知點解竟然揀咗港珠澳珠海口岸，可能因為過關時見過口岸天地商場的指示牌，覺得可以順便逛逛內地的商場買唔買到便宜貨，無諗過其實拱北落車過關交通更方便。
人流不多的港珠澳大橋珠海公路口岸
好多可以影相的公仔
我期待的口岸天地商場
點知入面乜都無，連餐廳都只有一千零一間，食物也沒有什麼選擇，最後食咗火腿腸蛋炒蛋以及三絲蛋炒手工麵，味道OK的，不過好細碟，不過唔緊要喇~可以留返個肚去澳門再食。
依個位係港珠澳大橋觀景台
望出去可以睇到港珠澳大橋基建項目，其實仲可以報團參加「港珠澳大橋遊」添~
所以依度有各式各樣的港珠澳大橋打卡位架~