二零二四年六月十二日(星期三)
逸逸成日都話好想住迪士尼酒店，其實明明她已經三間酒店都住過晒，2017年分別住在探索家酒店以及HOLLYWOOD HOTEL，2019年再住HOLLYWOOD HOTEL，2020年仲去咗迪士尼酒店慶祝4歲生日，不過確實之後真係無再去過。
通關後迪士尼酒店的價格真係好貴，我應承逸逸要等價格合理先可以住，今次難得搵到迪士尼探索家酒店超級抵住，透過TRIP.COM預訂連稅不用HK$1,000，就當係俾逸逸考完試後輕鬆一下喇~
今日無特別請假，放工之後直接駕車過來，原來依家住酒店泊車都要俾錢，$190一晚可以泊兩日，以前免費架~
CHECK IN的人唔多，好快就辦好手續。
今次我地住大洋洲
迪士尼的STANDARD房間，兩張雙人床夠晒闊落。
不得不讚一下迪士尼，依家香港法例規定酒店唔可以派發瓶裝水，迪士尼酒店的應對就係每間房間設有純淨水機，GOOD JOB﹗
係酒店入面周圍影下相
逸逸最有興趣就係依條假吊橋，要等登搭升降機上去行下。
跑嚟跑去好興奮
見到米奇同唐老鴨去露營搞到我都好想去露營添
今晚我地過去剛剛裝修過的HOLLYWOOD HOTEL食晚餐
周圍影下相
今晚我地去全新裝修的INK & PLATE食自助餐。
好靚的墊紙
同高飛影相，逸逸又唔敢自己影要拉埋我一齊。
終於夠膽自己影都係怕怕醜醜咁~
高飛心諗你怕醜只要我夠熱情咪得囉~
我地嚟得遲，大家都已經影晒相，個個掛住食都無乜人理高飛，好似有啲寂寞。
自助餐桌上的食物非常色彩繽紛
餐碟的設計有如一個調色盤，將食彩繽紛的食物精心地放在碟上，擺盤特別靚。
逸逸直接愛上了即煮的溫泉蛋長通粉，仲要食咗兩碗，加埋冷麵同三文魚刺身，瞬間食飽飽。
每枱送一份調色盤曲奇俾你發揮創意
食飽飽的逸逸專心創作
完成~
調色盤上面的東西全部都可以食晒落肚架。
食飽飽我地要趕返去探索家酒店聽晚安小故事。
7歲半的逸逸仍然非常Enjoy迪士尼的睡前小故事時間，今日係講毛仔的探險故事。
返房之後仲可以迪士尼卡通放題，重覆又重覆無限LOOP都可以睇到唔捨得瞓。