二零二四年四月二十八日(星期日)
今早千里迢迢上咗山頂參加港島防騙滅罪跑，這是一個免費的跑步比賽，本來除了我參加了個人4KM比賽之外，我們一家三口亦報咗親子扮鬼扮馬2km，仲一人買咗套南葛足球隊球衣扮戴志偉，可惜逸逸病咗要留係屋企休息，唯有我一個人出發參賽喇~
出門的時候見到外面落超大雨真係好擔心，好彩上到山頂只係煙雨濛濛。
本來諗住跑完個人4K先換南葛足球隊球衣跑親子跑，依家唔跑親子跑點都俾件衫出下場喇~
與同樣來自屯門的跑友合照，今早佢跟我車出嚟，無諗過竟然大家的號碼布竟然係相連號碼。
今次戴咗帽擋下雨
臨起跑雨勢突然變大，我等佢鳴槍先出去。
今次賽道係山頂跑一圈，由細到大都好鍾意依段路，風景好靚，平時難得出城唔會想搞到成身汗只會嚟行，所以今次有機會嚟跑下好開心，可惜今日天氣欠佳，沿路都是白茫茫一片，而且比較濕滑。
最後只係淋少少雨之下順利完賽
主辦單位話依段路4km，星期三行完九徑山再加昨早由西營盤行去炮台山，身體狀態好一般，所以選擇keep住pacing唔衝咁快驚後勁不繼，點知原來全長得3.5km，早知衝下喇。
其實真正速度起碼快半分鐘，因為今次唔係用晶片而係抵達時由工作人員掃QR Code，幫我掃Code的工作人員攪咗好耐都唔得，最後要搵另一個工作人員來幫手，我又傻更更的等佢哋攪掂晒先停錶。
今朝6:30am食咗件蛋糕做早餐，跑完好肚餓即刻食返條蕉補充下體力。
PS山頂廣場泊車優惠真係超級正，係便利店買咗包濕紙巾就免3個鐘頭了。