食完午餐之後直至3:30PM係自由活動時間，我地計劃去玩中心定向，根據資料活動範圍係包括中心範圍及戶外的地方，外面落緊雨，所以大家先係房玩一陣再觀察住天氣狀況。
UNO組
RUMMIKUB組
大家係度玩緊的時候，妹妹和DAY其實係度為大家的晚餐安排而奔波，而依件事亦令我再次深刻體會到康文署的RIDICULOUS﹗
話說我們今天晚上原本預約了燒烤，但因為天氣不穩，所以與飯堂商量假如晚上下雨的安排。根據飯堂負責人的資訊，有以下選項：：
- 協助蒸熟燒烤食物當晚餐(想起用蒸的燒烤食物就已經夠恐怖，與糟蹋食物沒有分別，可以借個爐讓我們煎嗎？)
- 今天晚餐與明天下午的團餐對調，但餐位數目是根據預訂的人數 (我們今晚吃晚餐的人數比明天吃午餐的人數多很多，不夠食)
兩個OPTION我地都唔OK，於是又問下其他我們可以想到的方法，例如可否今天晚上我們不燒烤自行安排晚餐，明天下午繼續吃團餐，然後請餐廳代為保管燒烤食物，明天離營前才帶走，得到的回覆是不可以。但重點是並非不能自行安排晚餐，而是如果不將燒烤轉到明天廚房是不可以代為保管食物。
因為飯堂是外判，負責人完全是沒有一絲可以協調的空間，最後要搵營地的職員求救及協調，起初營地職員都表達要尊重飯堂的安排，但經過多番爭取後，最後的方案是今天晚餐與明天的午餐對調，餐位數目按我們今晚吃飯的人數調整，總算在勞氣過後解決了問題。
開心食雪條
處理完吃飯的問題仲落緊雨，決定撐傘也要開始我們的定向活動。
我們去5/F營地辦事處領取定向的物資，原來室內定向和室外定向是分開的，唔知係咪見落雨先淨係俾室內版我地？所以我們可以乾乾爽爽的留在室內玩定向活動。我們分成大約3至4人一組，完成題目就在WHATSAPP報告以計算時間，再返房間對答案。
好彩我地已經係度玩咗一日，對於環境都熟悉，所以要搵到地點唔難。但係去到指定地點還要按箭嘴的方向搵隱藏的密碼，好多人都係依個位搞錯咗。
我地係第三組完成所有題目
對答案
只有我地同妹妹個組全對，我地比妹妹快，所以我地成為今次定向比賽的冠軍。
小朋友好想去游水，但係雷暴警告仍然生效，我地去打咗半個鐘頭羽毛球，逸逸去年暑假學的羽毛球已經忘得一乾二淨。
恆仔同媽媽去打乒乓球
終於停雨可以游水喇
今日同大家一齊游水好熱鬧呀~
恆仔仲夠力同逸逸玩水上飛高高遊戲
晚餐繼續典型宿營餐，個蒸蛋幾滑都值得讚下。
飯後小朋友玩足球機
同埋做小手工
我終於試咗第一次射箭，真係好好玩，不過我俾支弓彈到左手手臂位有少少紅腫。
教練好好，見到我射到黃色仲特登叫我拎埋支弓行埋個靶度幫我影相。
射完戰返嚟JOIN返恆仔同逸逸，遇到一一同埋源源，我地一齊玩康樂棋，逸逸超級鍾意依個大型康樂棋呀。
好大隻蝴蝶同我地一齊玩
逸逸玩到樂此不疲
爸爸媽媽今日下午無游水，今晚包場游夜水。
三表姊弟手拖手
之後我地一家三口再去打乒乓球
大量體力勞動，要食杯麵做宵夜先頂得住呀。