在港珠澳大橋珠海口岸過關去到澳門，直接就有免費酒店車去到今次我們入住位於氹仔的澳門上葡京。
酒店大堂好GRAND
我們預約了有特大床的豪華房，但酒店給我們升給了套房，大廳+大房+大廁所真係好豪華。
望出去係機場景，不過一啲都唔嘈。
酒店的外觀都好宏偉
我地今日的目標係去逛逛倫敦人，去影下大笨鐘同埋紅色雙層巴士，見酒店同倫敦人都係可步行距離， 於是我們慢慢散步過去。
首先經過一個大草地，逸逸可以盡情跑下。
然後就來到永利皇宮的音樂噴泉
剛剛遇上每20分鐘一次的音樂噴泉表演，曲目係《BUT I AM A GOOD GIRL》，逸逸超級ENJOY呀~
對面係MGM COTAI，開始天黑，色彩繽紛的LED螢光幕睇到大家都目不暇給。
回望永利皇宮，無諗過依家氹仔已經唔再係周圍地盤，終於有拉斯維加斯式的燈紅酒綠紙醉金迷FEEL。
MGM COTAI金獅子
一直行就係威尼斯人，不過我地未去威尼斯人住，我地要轉左先去自改建後都未有好好參觀過的倫敦人。
其實倫敦人的原身係金沙城中心，喺仲要周圍R WIFI上網的年代，我地成日去佢個財神個位連WIFI上網。
見到大笨鐘喇，睇真啲個鐘面其實唔係時針同分針，而係LED SCREEN。
依張自拍影得幾好，可以當自己去咗英國，對返當年去英國的相片都真係造得幾似。
另一邊加埋簷蓬雖然即刻扮唔到真身，但係影出嚟好靚。
經典英國電話亭
仲有紅色雙層巴士~
原來依種雙層巴士由2005年起已經停止作為交通工具了，因為喺香港雙層巴士都係非常普遍，所以相對嚟講無好特別，我都唔記得1997年我去倫敦的時候有無搭過紅色雙層巴士。
行過對面馬路就來到法國的巴黎
去咗兩次巴黎都係日間時份去巴黎鐵塔，對於亮燈後的巴黎鐵塔只有遠距離的印象。
巴黎人美麗的圓拱天花
依幅咪不論係凡爾賽宮定羅浮宮都見過的拿破崙一世和約瑟芬的加冕圖(The Consecration of the Emperor Napoleon and the Coronation of Empress Josephine)？
已經好肚餓，我地決定係巴黎人的美食廣場吃晚餐
逸逸食佢最鍾意的日式拉麵
我就揀咗新武二廣福潮美的蠔仔鮮牛肉米粉，又稱為兒孫滿堂米粉，個名好好意頭。
隔離已經係威尼斯人，去得倫敦同埋巴黎，無理由唔順便去埋威尼斯，當時我仲計劃緊今年暑假要去意大利的威尼斯旅行架……不過我們來得太晚，運河上已經無晒貢多拉了~
由威尼斯人返回倫敦人的天橋，竟然有架倫敦地鐵﹗
逸逸又係度玩度唔捨得走
倫敦人入面的下午茶杯子擺設，好有愛麗詩夢遊仙境FEEL~
逸逸已經行到無晒力，為了吸引逸逸行快啲，我地追住時間去睇音樂噴泉。
今次的曲目竟然係充滿中國風的《茉莉花》，很有驚喜。
返到酒店輪流洗澡，在睡房的窗前發現MGM COTAI外牆有有趣的東西。
係美高梅獅子呀，慢慢的充滿威嚴地係酒店外牆行過真係好有型呀~