二零二四年五月四日(星期六)
又來到我們一年一度的五月之約。
狂風暴雨沒有阻礙我對五月天演唱會的期待，CAP帽、雨衣、防水背囊、仲有包咗保鮮紙的螢光棒。主辦單位每半小時一次更新演唱會的最新消息，睇實天文台的降雨預測，幸好有五月天成員畫的晴天龜龜，最終演唱會順利進行，後半段還停了雨，非常舒服。
今年位置超級靚，是旁邊梯級位置的第二排，完全無遮無擋。演唱會的編排、視訊、talking一如既往的精彩，今次有很多回憶的片段更加感動，除了回顧他們的歴史，好像也在懷勉自己的青春。
今年是五月天出道二十五週年，演唱會上多次問大家什麼時候開始喜歡五月天。我是2007年開始認識五月天，2010年第一次看五月天演唱會後就開始喜歡他們，雖然只是14年，不過加入五月天永遠都唔會遲。
今年喺點唱環節唱了《小太陽》同埋亂咁唱的《什麼歌》，是全晚入面兩首我不認識的歌，我要制霸埋佢。
PS 1: 排隊入場時有兩位女五迷望住逸逸，然後有d興奮又好奇咁講，真係好，帶埋小朋友來睇演唱會。恆仔話信仰係要從小培養嘛。然後佢地好認同咁話無錯，跟住又問有無帶逸逸去台灣睇，仲建議年尾帶佢去台灣睇。
PS 2: 今日提詞機SHORT咗REBOOT咗幾次，結果阿信唯有亂唱”什麼歌”。
PS 3: 原來今日都有一個波波壞咗，原本有5個細波波淨返4個，不過都係聽阿高講先知，現場第一次睇的我睇唔出有咩問題。
——————————————————————————————————-
今年五月天演唱會實在多災多難，4月30日首場演唱會適逢黃色暴雨，還有10分鐘完場的演唱會被逼於9:55PM腰斬，ENCORE環節改為網上直播，益咗我地唔關事的人；來5月1日，又因極端惡劣天氣及暴雨影響致部分舞台設施故障需要改期。今天天氣都極不穩定，所以一直留意住主辦單位的FACEBOOK UPDATE，心情非常忐忑。
今次買咗新衫，但係只有出發去演唱會場地之前露過下臉，之後一直都俾雨褸遮住了。
今日入場時超級大雨，塞人塞得好厲害，唔知係咪因為落雨但係入場唔俾人擔遮要著雨褸所以攪到成個FLOW好慢，攪到7:30PM先塞到去入口。
今次買咗宵夜是大雞腿 雲端互動版 LED 2.0 螢光棒套組俾逸逸，好有型﹗支螢光棒有個透明行李箱裝住，其實都幾難開，有個坐在我們後面的觀眾開唔到見到我們也有大脽腿螢光棒所以請我幫忙開箱。