二零二三年九月十六日(星期五)
又是享用奇妙處處通SPECIAL OFFER的時候了。
今年迪士尼為奇妙處處通會員舉辦了奇妙處處通反轉迪士尼晚會，優先試玩萬聖節活動，今日放工後食埋晚餐就入園囉~
我們來到的時候剛剛正在上演迪士尼星夢光影之旅
遠距離在美國小鎮大街的盡頭欣賞表演都唔錯
一樣都睇到咁陶醉
迪士尼星夢光影之旅完畢，人群如潮水般散去，我們朝人群相反方向逆流而上，向著萬聖節活動其中一個中心地點探險世界前進。
對於今年迪士尼有什麼會活動沒有做功課，見到有好多人排隊又去湊下熱鬧。
原來係《惡人大宅舞會》
大家先係外面在DJ的帶領下炒熱氣氛，LET’S PARTY~
惡人大宅的主人係時尚女魔頭庫伊拉
入面好多打咭位，正當我們以為是參觀她的大宅影下相打下咭之際……
突然間用打燈的模式變咗條路出來
仲邀請咗班小朋友一齊出去行CAT WALK
突然SPOT一轉去到舞台，庫伊拉出場了~
連同一班惡人包括邪惡皇后、紅心皇后以及凱帝斯載歌載舞同大家一齊SHINE~
離開惡人大宅舞會，在探險世界繼續在各個PHOTO SPOTS擺POSE影靚相。
真係好靚~
離開探險世界，下一站係幻想世界。
難得無乜人當然都要玩下設施，我地玩咗轉轉杯，轉到兩父女超級HIGH，不過轉到我頭暈。
夢想花園係另一個影相的好地方
仲可以排隊同難得見到的惡人影相，例如今晚我地就遇到三隻小豬入面嗰隻大灰狼，不過我地無排隊影相。
我地去咗玩小飛象
亮燈後的迪士尼真係好靚，近年我地都係一早入園黃昏就離場，所以都覺得迪士尼夜景好迷人。
我地要等夠鐘睇SHOW – DISNEY HALLOWEEN TIME嚇你一跳小小慶典
都係典型迪士尼歌舞，睇住一班迪士尼朋友開開心心咁載歌載舞都好熱鬧既﹗