二零二四年四月二十四日(星期三)
第一次跟屯門牛山系組的越野跑組恆常例三夜登九徑山。
今次是我第二次行夜山，第一次係2009年登鳳凰山睇日出。當時只係帶電筒，今次就建議用頭燈，於是平日露營用頭燈出場。
出發前用360相機大合照
自問平日都有行山，好多時要就小朋友去行山都唔多夠喉，沒想到今次跟住班未出力的高手如此一口氣的瘋狂攀升真係吃不消，雙腿及下背的肌肉話俾我知我真係唔算行開山😅
落山果然係我的最大弱點，唔知邊舊石踩得邊舊石唔踩得真係好驚，高手們話行多啲識揀路就唔驚。
今日因為行雷要中途折返，未能夠上到停機坪係有啲遺憾，希望下次有機會再去，聽講今次只係行咗一半路程，期間似乎要好好鍛鍊一下先夠膽再去。
遠遠的燈光就是目的地
行咗1小時10分，爬升306公尺，對我來說是新體驗。
跑步係用另一組肌肉，所以行山雖然好辛苦但係我又有力跑2km返屋企。