食過晚餐就開始行街喇~
由位於CENTER WALK的拉麵競技場行去SOUTH BUILDING的ALPEN要經過戲院，逸逸被天花上的星空迷住了。
終於來到樓高三層的ALPEN FUKUOKA
1/F是高爾夫球專區「GOLF5 FLAGSHIP STORE」，2/F主要售賣一般運動用品「SPORTS DEPO FLAGSHIP STORE」，而我們來到的3/F則是戶外運動專區「Alpen Outdoors FLAGSHIP STORE」。
地方超級大，不同商品都清楚劃分放在不同的區域，可以按照指示牌尋找心頭好。
裝修好有心思，逸逸一見到跑道就忍唔住跑 – 跑吧！女孩。
近日迷上登山以及越野跑，所以首先吸引我視線的就是和登山相關的產品。
超多款式的POLE任君選擇，其實我都想買一對POLE，但係暫時未有IDEA買邊類型。
這是用來試登山鞋的，真係無諗過，見到之後立即於WHATSAPP GROUP與山友分享，他們的回應是可唔可以淋啲水上去先試。
又到富士山登山季，山友們都有幾個今年會登富士山，日本人都對登富士山趨之若鶩。
列好BUYING LIST，可以一站式全部K.O.
這兒會舉辦不同的講座
仲可以參加登山活動添~
下一站是露營專區。
露營區也分有七大主題：戶外雜貨的「LIVing」、調理用具的「DINing」、寢具的「SLEEPing」、照明用品的「AKARI」、升火用具的「TABIKI」、一人露營為主的「SOLO」與食品調味料的「FOOD」，睇到我地眼花撩亂。
好正的客廳，落雨都唔駛另外搭天幕﹗
全部都係燈
我都好想去屋久島露營
好想買個摺叠煲返去，同我地依家用緊既韓國拉麵煲相比又輕又慳位，其實仲見到有個鐵鑊，輕過我地露營用緊嗰個一半，仲有好靚的背囊、斜揹袋、頭燈……我同恆仔講既然日元便宜就要盡情買，反正我地買足晒寄倉行李。
好長的睡袋
出發之前幾天逛過裕華，入面有個CHUMS的專櫃有好多好靚的袋，一心打算來日本的CHUMS血拼，可惜依度啲貨唔多吸引。
中間有個兒童遊樂場，開始逛到悶悶地的逸逸終於有得玩下，佢係遊樂場玩，我同恆仔繼續行街。
又有乒乓球專櫃，又係有乒乓球枱可以試打。
貨品數量一啲都唔比上次在東京逛的乒乓球專門店T. T. KOKUSAI遜色。
依度有啲乒乓球鞋超級便宜，而且都幾靚架~
因為今晚要趕去唐津唔係好多時間，本來諗住俾一個鐘頭ALPEN，結果行咗45分鐘都未行完3/F，決定臨走嗰日再戰ALPEN。
ALPEN的下面就是THE GUNDAM BASE FUKUOKA，不過以前已經係台場逛過THE GUNDAM BASE TOKYO，恆仔又唔算是高達迷，所以隨便在外面影張相就算了。
無諗過離開CANAL CITY出發去唐津時已經開始日落了。