二零二四年五月十九日(星期日)
我是集郵愛好者，見到新界區體育總會舉辦新界區連區公開長跑系列賽，報名費又相宜，只要$200/位，即管又去湊湊熱鬧。
比賽分為12.7公里、5公里、2公里以及2公里親子跑，12.7公里賽事可以由沙田跑去大埔都幾吸引。由於不同距離的賽事集合店和終點都各有不同，所以沒有考慮邀請逸逸同恆仔參加親子跑，問埋阿妹有無興趣一起去，她說天氣太熱好辛苦，於是決定自己獨個兒參加。
起步點設於沙田源和路硬地足球場，我將車泊在沙田市中心再走路過來。
雖然我沒有伴一起參加，卻在會場遇上屯門牛GRACE同埋永高，GRACE提醒我下次比賽不要穿活動TEE，因為穿自己的跑步背心跑起來會更加舒適。
按年齡組別分批起步
沿住城門河跑到海邊，天氣清涼跑得好舒服。
中文大學
吐露港
大埔海濱公園地標
順利完成，有牛牛幫手影相真好﹗
今次全程有4個水站，其實好足夠，我亦每站都有飲水。不過下次天氣咁熱的話要每站都飲多啲水，今次跑到後期真係好想飲水。
靚靚獎牌，睇個設計應該參加埋日後的賽事可以拼成一幅圖畫，不過來到半年後的今天還未收到第二站賽事的任何消息。
大會時間是1:18:28，在我的年齡組別入面58名選手當中跑第32，不過排名唔重要，本身自己PACING做到6:13/KM真係好滿意。
起初我以為今次路段係全平路，點知落咗兩次隧道上咗一次天橋。今次好好彩跟咗一個同我Pacing差唔多的人後面，只要繃緊就跟得上，一鬆懈就會落後，有如我的Pacer一樣，很有幫助。
原來要返回最近的地鐵站也頗有距離，跑完12.7公里，再要行多3公里先去到太和站搭車返沙田攞車，好彩有牛牛永高陪我一齊行者。
——————————————————————————————————————-
唔駛攞獎最梗要有相，多謝AARON YANG的靚相﹗自問表情管理開始有進步了。